News In Pics: చిత్రం చెప్పే సంగతులు 02 (23-05-2023)
Updated : 23 May 2023 21:33 IST
1/17
తిరుపతి శ్రీ తాతయ్య గుంట గంగమ్మ జాతరలో భాగంగా మొదటి మంగళవారం భక్తులు అధిక సంఖ్యలో తరలివచ్చారు. అమ్మవారికి బోనం సమర్పంచి ప్రత్యేక పూజలు చేశారు.
2/17
కోఠి ఉమెన్స్ కళాశాలకు వెళ్లే దారిలో కాగితపు పూల చెట్టు సుందరంగా కనిపిస్తోంది. గులాబీ రంగుతో నిండిపోయిన ఈ చెట్టు.. ప్రయాణికులు, విద్యార్థులకు కనువిందు చేస్తోంది.
3/17
ఐపీఎల్ 16వ సీజన్లో భాగంగా చెపాక్ స్టేడియంలో గుజరాత్, చెన్నై జట్ల మధ్య క్వాలిఫయర్ 1 మ్యాచ్ జరుగుతోంది. తొలుత టాస్ నెగ్గిన గుజరాత్ జట్టు బౌలింగ్ ఎంచుకుంది. మ్యాచ్కు ముందు ఇరుజట్ల కెప్టెన్లు హార్దిక్ పాండ్య, ధోనీ ఇలా ఫొటోకు పోజిచ్చారు.
4/17
సిడ్నీ పర్యటనలో ఉన్న ప్రధాని మోదీ అక్కడ ఏర్పాటు చేసిన సమావేశంలో ప్రసంగించారు. సిడ్నీలో ఈ సాయంత్రం చాలా ప్రత్యేకమైనదని, అక్కడికి వచ్చిన భారతీయులకు మోదీ కృతజ్ఞతలు తెలిపారు.
5/17
ద్విచక్రవాహనం అద్దంలో తన రూపాన్ని చూసుకొని మురిసిపోతున్న ఈ బుజ్టి పిట్ట కూకట్పల్లి బస్స్టాప్లో కనిపించింది.
6/17
ఐపీఎల్ 16వ సీజన్లో భాగంగా బుధవారం ముంబయి, లఖ్నవూ జట్ల మధ్య చెపాక్ స్టేడియంలో ఎలిమినేటర్ మ్యాచ్ జరగనుంది. ఈ సందర్భంగా విమానాశ్రయంలో రోహిత్కు ఓ చిన్నారి హాయ్ చెబుతున్న ఫొటోను ఎంఐ తన ట్విటర్ ఖాతాలో పంచుకుంది. ‘ఆల్ ది బెస్ట్ రోహిత్..’ అని ట్వీట్ చేసింది.
7/17
ఐపీఎల్ 16వ సీజన్లో భాగంగా చెన్నై, గుజరాత్ జట్ల మధ్య చెన్నైలో తొలి క్వాలిఫయర్ మ్యాచ్ జరగనుంది. ఈ సందర్భంగా ఇరుజట్ల కోచ్లు ఫ్లెమింగ్, నెహ్రా స్టేడియంలో సరదాగా ముచ్చటించుకుంటున్న ఫొటోను సీఎస్కే ట్విటర్లో పంచుకుంది. ‘స్నేహం కుదిరింది. వీరి మధ్య దూరం లేదు’ అని ట్వీట్ చేసింది.
8/17
తెలంగాణలో నిర్మించిన కాళేశ్వరం ప్రాజెక్టుకు ‘ఎండ్యూరింగ్ సింబల్ ఆఫ్ ఇంజినీరింగ్ ప్రోగ్రెస్’ అవార్డు దక్కింది. ఈ సందర్భంగా అమెరికన్ సొసైటీ ఆఫ్ సివిల్ ఇంజినీర్స్ ఆధ్వర్యంలో నిర్వహించిన సమావేశంలో మంత్రి కేటీఆర్ ఈ అవార్డును అందుకున్నారు.
9/17
చిరంజీవి ప్రధాన పాత్రలో మెహర్ రమేశ్ తెరకెక్కిస్తున్న చిత్రం ‘భోళా శంకర్’. ఈ సినిమాలోని ఓ పాట చిత్రీకరణ స్విట్జర్లాండ్లో జరిగింది. దీనికి సంబంధించిన ఫొటోలను చిరంజీవి తన ట్విటర్ ఖాతాలో పంచుకున్నారు. ‘కళ్లు చెదిరే అందాలతో.. మైమరిపించే లోకేషన్స్లో తమన్నాతో ఆటపాట ఆహ్లాదకరంగా సాగింది. ఈ పాట ప్రేక్షకులందరినీ మెప్పిస్తుంది’ అని చిరు ట్వీట్ చేశారు.
10/17
అడిడాస్ జెర్సీ సంస్థ సభ్యులు క్రికెటర్ అక్షర్ పటేల్తో కలిసి దిగిన ఫొటోను ఆ సంస్థ ట్విటర్లో పంచుకుంది. ‘అడిడాస్ టీమ్ఇండియాతో కలిసి ఉంది. జెర్సీ కోసం వేచి ఉండాలి’ అని ట్వీట్ చేసింది.
11/17
పవన్ కల్యాణ్, సాయి ధరమ్ తేజ్ కలిసి నటిస్తోన్న చిత్రం ‘బ్రో’. సముద్రఖని దర్శకత్వంలో రానున్న ఈ మల్టీస్టారర్ చిత్రంలో సాయి ధరమ్ తేజ్ ‘మార్కండేయులు(మార్క్)’ పాత్ర పోషిస్తున్నట్లు తెలుపుతూ చిత్రబృందం ఓ ఫొటోను ట్వీట్ చేసింది.
12/17
బంజారాహిల్స్లోని హోటల్ తాజ్ కృష్ణాలో డిజైర్ డిజైనర్ ఎగ్జిబిషన్ నిర్వహించారు. ఈ సందర్భంగా పలువురు మోడల్స్ పాల్గొని ఫొటోలకు పోజులిచ్చి సందడి చేశారు.
13/17
ఐపీఎల్ 16వ సీజన్లో బెంగళూరు జట్టు లీగ్ స్టేజ్కే పరిమితమైన విషయం తెలిసిందే. ఈ సందర్భంగా జట్టు సభ్యులతో కూడిన ఓ తాజా ఫొటోను ఆర్సీబీ తన ట్విటర్ ఖాతాలో పంచుకుంది. ‘ఈ సీజన్లో అద్భుత ప్రదర్శన ఇచ్చాం. వచ్చే ఏడాది అభిమానులను అలరిస్తాం’ అని ట్వీట్ చేసింది.
14/17
ఐపీఎల్ 16వ సీజన్లో భాగంగా చెన్నై, గుజరాత్ జట్ల మధ్య మంగళవారం చెపాక్ స్టేడియంలో తొలి క్వాలిఫయర్ మ్యాచ్ జరగనుంది. ఈ సందర్భంగా బ్రావో, నెహ్రా ఇలా ముచ్చటించుకుంటున్న ఫొటోను గుజరాత్ తన ట్విటర్ ఖాతాలో పంచుకుంది. ‘ ఇద్దరు ఛాంపియన్ల మధ్య గొప్ప చర్చ’ అని ట్వీట్ చేసింది.
15/17
సిడ్నీ పర్యటనలో ఉన్న ప్రధాని మోదీని ఫేమస్ చెఫ్ సారా టాడ్ కలిశారు. అనంతరం భారతదేశ వంటకాల గురించి వీరిద్దరు చర్చించుకున్నారు.
16/17
ఐపీఎల్ 16వ సీజన్లో భాగంగా చెన్నై, గుజరాత్ జట్ల మధ్య మంగళవారం చెన్నైలో తొలి క్వాలిఫయర్ మ్యాచ్ జరగనుంది. ఈ సందర్భంగా ఇరుజట్ల కెప్టెన్లు ధోనీ, హార్దిక్ పాండ్యలకు సంబంధించిన ఓ ఫొటోను సీఎస్కే తన ట్విటర్ ఖాతాలో పంచుకుంది. ‘గురు శిష్యుల జర్నీని చూసి ఎలా ఫీలవుతున్నారు?’ అని ట్వీట్ చేసింది.
17/17
కాంగ్రెస్ అగ్రనేత రాహుల్ గాంధీ ఊహించని విధంగా ఓ ట్రక్కులో ప్రత్యక్షమయ్యారు. దిల్లీ నుంచి చండీగఢ్ వెళ్తున్న ఆయన.. మార్గమధ్యంలో కారు దిగి, ఓ ట్రక్కు ఎక్కి ప్రయాణించారు. ఆ ట్రక్కులో ఆయన చండీగఢ్ వరకు చేరుకుని అక్కడ డ్రైవర్లతో కలిసి భోజనం చేశారు. అనంతరం డ్రైవర్ల కష్టనష్టాల గురించి రాహుల్ అడిగి తెలుసుకున్నారు.
Tags :
మరిన్ని
తాజా వార్తలు (Latest News)
-
వైకాపా నేతల సిఫార్సులతో పోస్టు.. మహిళా ఉద్యోగినులతో వెకిలి చేష్టలు
-
విశాఖ-బెంగళూరు మధ్య ప్రత్యేక రైలు
-
ఒలింపిక్స్లో పతకం తెస్తే బీఎండబ్ల్యూ కారు
-
పెళ్లి ఘట్టం.. క్యూఆర్ కోడ్లో నిక్ష్లిప్తం
-
పిల్లలతో అశ్లీల వీడియోలు తీయడం ఆందోళనకరం, నేరం : సుప్రీంకోర్టు
-
వివేకా హత్యలో నాపై రెండు క్రిమినల్ కేసులు.. అఫిడవిట్లో పేర్కొన్న అవినాష్రెడ్డి