News In Pics: చిత్రం చెప్పే సంగతులు 01 (03-06-2023)

1/19

సింగరేణి గనుల్లో కార్మికుల విధులకు శిల్పరూపం ఇస్తూ గోదావరిఖని ఫ్లైవింక్లయిన్‌ కూడలిలో ఏర్పాటు చేసిన విగ్రహాలు పలువురిని ఆకట్టుకుంటున్నాయి.

2/19

మెదక్‌ జిల్లా దౌల్తాబాద్‌ మండలానికి చెందిన మంతటి ఓం ప్రకాష్‌ అనే వ్యక్తి 70 సుద్దముక్కలతో 15 రోజులు రాష్ట్ర సచివాలయ భవన సమూహాన్ని, ఉస్మానియా ఆర్ట్స్‌ కళాశాల భవనాన్ని 10 రోజుల పాటు రూపొందించారు.

3/19

ఖమ్మం జిల్లా సత్తుపల్లి పట్టణంలోని కాకర్లపల్లి రోడ్డులో వందేళ్ల చరిత్ర కలిగిన రావి చెట్టు నీడనిస్తూ కాలనీ వాసుల పూజలందుకుంటోంది. శ్రీవేంకటేశ్వరస్వామి ఆలయం ఎదురుగా ఉన్న ఈ వృక్షం చుట్టూ దాతల సాయంతో కాంక్రిటు స్లాబ్‌ వేసి గుడిగా తీర్చిదిద్దుతున్నారు.

4/19

కొందరు యువకులు వారి అభిరుచులకు అనుగుణంగా 25 థీమ్స్‌తో చిన్న ఫిల్మ్‌ సిటీలను నెలకొల్పి అందుబాటులోకి తెచ్చారు. హనుమకొండ జిల్లా ఆత్మకూరు మండలంలో ఏడాది కిందట దీన్ని ప్రారంభించారు. ఫ్రీ, పోస్టు వెడ్డింగ్‌, మెటర్నిటీ, బేబీ షూట్స్ నిర్వహించేలా సౌకర్యాలు కల్పించారు.

5/19

అనంతపురం జిల్లా విడపనకల్లు మండలం మాళాపురం గ్రామంలో తాగునీటి ఎద్దడి ఏ స్థాయిలో ఉందో చెప్పడానికి ఈ చిత్రాలే నిదర్శనం. గొంతు తడుపుకొనేందుకు ప్రజలు నాలుగు కిలోమీటర్ల దూరం వెళ్లాల్సి వస్తోంది.

6/19

నిరుపయోగ రైలు విడి భాగాలతో తయారు చేసిన జిరాఫీ, నెమలి, పిల్లి నమూనాలు నగరవాసులను ఆకట్టుకుంటున్నాయి. తిరుపతి రైల్వేస్టేషన్‌ గ్యారేజీ ముందు ఆర్సీరోడ్డులో వీటిని ఏర్పాటు చేశారు.

7/19

తిరుపతి జిల్లాలోని తిరుచానూరు శ్రీపద్మావతీ అమ్మవారి వార్షిక తెప్పోత్సవాల్లో భాగంగా మూడో రోజు శుక్రవారం రాత్రి అమ్మవారు తెప్పపై ఊరేగుతూ భక్తులకు సాక్షాత్కరించారు.

8/19

తెలంగాణ రాష్ట్ర ప్రభుత్వం ప్రతిష్ఠాత్మకంగా చేపట్టిన హరితహారంలో భాగంగా.. నల్గొండలో పెద్ద ఎత్తున మొక్కలు నాటారు. వాటి నిర్వహణ లేక మొక్క దశలోనే ఎండిపోతున్నాయి.

9/19

తెలంగాణ రాష్ట్రావతరణ వేడుకల్లో భాగంగాచిన్నారుల నృత్య ప్రదర్శన గద్వాల, వనపర్తి, మహబూబ్‌నగర్‌

10/19

తెలంగాణ రాష్ట్ర అవతరణ దినోత్సవం సందర్భంగా ఖమ్మం జిల్లాలోని మధిర పెద్ద చెరువులో స్విమ్మర్లు ఈతకొడుతూ జాతీయ జెండాకు శుక్రవారం గౌరవ వందనం సమర్పించారు.

11/19

ఖమ్మం జిల్లాలోని పాల్వంచ-ములకలపల్లి ప్రధాన రహదారిపై కుంటినాగులగూడెం వద్ద ఇరువైపులా గతంలో చెట్లు కొద్దిరోజుల క్రితం ఎండిపోయి కనిపించాయి. ఇప్పుడవి పచ్చదనాన్ని సంతరించుకుని కళకళలాడుతూ కనిపించాయి.

12/19

ఖమ్మం: భద్రాచలం ఏరియా నుంచి ఖమ్మం మార్కెట్‌కు వెళ్తున్న ఓ మిర్చి లోడు వాహనంపై రైతులు ప్రమాదకరంగా ప్రయాణిస్తున్నారు. పాల్వంచ మండలం నాగారంకాలనీ ఆర్టీఏ చెక్‌పోస్టు వద్ద కనిపించిన ఈ దృశ్యాన్ని ‘న్యూస్‌టుడే’ కెమెరా క్లిక్‌మనిపించింది.

13/19

గద్వాల పైవంతెన నుంచి అయిజకు వెళ్లే ప్రధానరహదారి అధ్వానంగా మారింది. గుంతలు, కంకరతేలిన రోడ్డుపై వాహనాల రాకపోకలతో దుమ్ము లేస్తోంది. దారి స్పష్టంగా కనిపించని స్థాయిలో ఉంటోంది.

14/19

హైదరాబాద్‌లోని రాజ్‌భవన్‌లో జరిగిన తెలంగాణ రాష్ట్రావతరణ ఉత్సవాల్లో కళాకారిణులతో కలిసి నృత్యం చేస్తున్న గవర్నర్‌ తమిళిసై

15/19

తెలంగాణ రాష్ట్రావతరణ వేడుకల్లో భాగంగా హైదరాబాద్‌లోని హైకోర్టులో పేరిణి నృత్యాన్ని ప్రదర్శిస్తున్న కళాకారులు.

16/19

మధ్యప్రదేశ్‌లోని రత్లాంకు చెందిన సుభాష్‌ చంద్రసోని, అతని కుటుంబసభ్యులు శ్రీవారి భక్తులు. స్వామివారిపై విశ్వాసంతో వారు ధరించే ప్రతి ఆభరణంలోనూ శ్రీవారి రూపం ఉండేలా చూసుకుంటారు. మెడలో శ్రీవారి ప్రతిమ బంగారు లాకెట్లు వేసుకొని తిరుగుతుంటే భక్తులంతా ఆసక్తిగా చూశారు.

17/19

హైదరాబాద్‌: భానుడి భగభగలతో శుక్రవారం మధ్యాహ్నం హబ్సిగూడ ప్రధాన రహదారి నిర్మానుష్యంగా మారింది. నిత్యం రద్దీగా ఉండే చౌరస్తాలు కర్ఫ్యూ వాతావరణాన్ని తలపించాయి.

18/19