Breaking | Feedback | ePratibha | E-PAPER | Pratibha

News In Pics: చిత్రం చెప్పే సంగతులు 01 (23-09-2023)

Updated : 23 Sep 2023 04:23 IST

1/11

ఖమ్మం: కల్లూరు కనకగిరి గుట్టలపై మేఘాలు కనువిందు చేశాయి. తల్లాడ మండలంలో శుక్రవారం తెల్లవారుజామున వర్షం కురిసింది. దీంతో గుట్టల్లోంచి వచ్చిన పొగలతో కలిసి మేఘాలు పయనించినట్లు కన్పించాయి.

2/11

ఆదిలాబాద్‌: మందమర్రి ఒర్రెగడ్డకు చెందిన కోపెల రాము రావి ఆకులపై మూడు రకాలు తీర్చిదిద్దిన లంబోదరుని ఆకృతులు ఆకట్టుకుంటున్నాయి. రావి ఆకులపై చిత్రాలను తిలకించేందుకు స్థానికులు ఆసక్తి చూపుతున్నారు.

3/11

ఆదిలాబాద్‌: తలమడుగు మండలం పల్సి(బి) గ్రామానికి వెళ్లే బీటీ రహదారి నిర్మాణ సమయంలో అధికారులు పర్యవేక్షణ చేయకపోవడంతో గుత్తేదారు ఇష్టారాజ్యంగా పనులు చేశారు. దీంతో అస్తవ్యస్తంగా ఉన్న రహదారి మధ్యలో గడ్డి మొలకెత్తి రాకపోకలకు ప్రమాదకరంగా మారింది.

4/11

హైదరాబాద్‌: కూకట్‌పల్లిలో అర్ధరాత్రి కురిసిన భారీ వర్షానికి రంగధాముని శుక్రవారం చెరువు నాలాలో తీవ్ర స్థాయిలో రసాయన నురగలు వచ్చాయి. ఈ ప్రాంతంలో వెళుతున్న వాహనదారులు ఘాటు వాసనలతో ఉక్కిరి బిక్కరయ్యారు.

5/11

హైదరాబాద్‌: సాఫ్ట్‌వేర్, బయో ఇన్ఫర్మేటిక్, ఇంజినీరింగ్‌ రంగాల్లో జాతీయ, అంతర్జాతీయ సంస్థలకు నిలయమైన హైటెక్‌ సిటీ స్వరూపమిది. టీహబ్‌ వద్ద భారీ భవనాలు సింగపూర్‌ను తలపిస్తున్నాయి.

6/11

హైదరాబాద్‌: చారిత్రక చార్మినార్‌ వద్ద శుక్రవారం యువతులు సందడి చేశారు. గాజులు, సుగంధ ద్రవ్యాలు, దుస్తులు కొనుగోలు చేశారు.

7/11

కేదార్‌నాథ్‌ మార్గంలోని కొండపై గణేశుడు కూర్చున్నట్లుగా కనిపిస్తోందా ఈ దృశ్యం?.. నిజానికి ఇది మహారాష్ట్ర రాజధాని ముంబయిలోని ఓ గణేశ్‌ మండపం. వినాయక చవితి ఉత్సవాలను పురస్కరించుకుని ప్రముఖ కళాకారుడు ఫ్రాంక్లిన్‌ పాల్‌ ఈ ప్రత్యేక వినాయక మండపానికి ప్రాణం పోశారు.

8/11

గణేశ్‌ నవరాత్రుల సందర్భంగా కోల్‌కతాలో వినూత్నంగా ఏర్పాటుచేసిన పూజామండపం భక్తులను విశేషంగా ఆకట్టుకుంటోంది.గణేశుని విగ్రహం భక్తులు పాదాలను తాకి నమస్కరించిన వెంటనే లేచి నిలబడి ఆశీర్వాదం అందిస్తోంది.

9/11

మహారాష్ట్రలోని నాసిక్‌లో లభిస్తున్న బంగారు కుడుములు (మోదక్‌లు) అందరి దృష్టిని ఆకర్షిస్తున్నాయి. 24 క్యారెట్ల బంగారు పూతతో తయారుచేసిన ఈ కుడుములను కిలో రూ.16 వేలకు వర్తకులు అమ్ముతున్నారు.

10/11

గుజరాత్‌లోని సూరత్‌లో వజ్రాల వ్యాపారి కనుభాయ్‌ అసోదరియా ఏటా వజ్ర గణపతికి పూజలు చేస్తారు. 182.3 క్యారెట్లతో 36.5 గ్రాముల బరువు ఉన్న ఈ వజ్ర గణపతిని ఏడాదికి ఒక్కరోజు మాత్రమే బయటకు తీస్తారు.ఆ రోజున ప్రత్యేక దర్శనానికి భక్తులను కూడా అనుమతిస్తారు.

11/11

ముంబయిలోని ఘట్‌కోపర్‌ ప్రాంతానికి చెందిన రాహుల్‌ వరియా (26) అనే యువకుడు తమ ఇంట ప్రతిష్ఠించిన వినాయకుడిని మెట్రో రైలు ఎక్కించాడు. నగర రవాణా వ్యవస్థకు కృతజ్ఞతగా రాహుల్‌ ఈ మెట్రో గణపతిని సృష్టించాడు.

Tags :