Breaking | Feedback | ePratibha | E-PAPER | Pratibha

ఎస్‌బీఐ కొత్త డిపాజిట్‌ స్కీమ్‌.. వీరికి 7.9 శాతం వడ్డీ!

స్టేట్‌ బ్యాంక్‌ ఆఫ్‌ ఇండియా (SBI) కొత్త డిపాజిట్‌ స్కీమ్‌ను తీసుకొచ్చింది. సర్వోత్తమ్‌ టర్మ్‌ డిపాజిట్‌ పేరుతో ఈ డిపాజిట్‌ స్కీమ్‌ అందుబాటులోకి తెచ్చింది. పబ్లిక్ ప్రావిడెంట్ ఫండ్ (PPF-7.1%), నేషనల్ సేవింగ్స్ సర్టిఫికెట్ (NSC-7.0%), ఇతర పోస్ట్ ఆఫీస్ డిపాజిట్ పథకాల కంటే ఎక్కువ వడ్డీ అందిస్తోంది. ఈ పథకం పూర్తి వివరాలివీ..

Updated : 03 Mar 2023 20:58 IST

1/6

ఈ డిపాజిట్‌ స్కీమ్‌లో కనీసం రూ.15 లక్షలు డిపాజిట్‌ చేయాల్సి ఉంటుంది. ఆపై రూ.1000 చొప్పున ఎంతైనా డిపాజిట్‌ చేయొచ్చు. బల్క్‌ డిపాజిట్లకూ అనుమతి ఉంది.

2/6

ఏడాది, రెండేళ్ల కాలవ్యవధిపై ఈ పథకం అందుబాటులో ఉంది. ఈ స్కీమ్‌లో ముందస్తు విత్‌ డ్రాకు అనుమతి లేదు.

3/6

సీనియర్‌ సిటిజన్లకు, సిబ్బందికి, స్టాఫ్‌ సీనియర్‌ సిటిజన్లకు అదనపు వడ్డీ రేటు లభిస్తుంది. మైనర్లకు, ఎన్నారై కస్టమర్లకు ఈ పథకానికి అనర్హులు

4/6

రూ.2కోట్లలోపు డిపాజిట్లపై ఏడాది కాలానికి సాధారణ ప్రజలకు 7.10 శాతం వడ్డీ లభిస్తుంది. అదే రెండేళ్లకైతే 7.40 శాతం చొప్పున లభిస్తుంది. సీనియర్‌ సిటిజన్లకు ఏడాది డిపాజిట్లపై 7.6 శాతం వడ్డీ లభిస్తుంది. అదే రెండేళ్ల కాలానికి 7.9 శాతం లభిస్తుంది.

5/6

రూ.రెండు కోట్లపైన డిపాజిట్లపై సాధారణ పౌరులకు ఏడాది కాలానికి 7.05 శాతం, రెండేళ్లకు 6.09 శాతం వడ్డీ లభిస్తుంది. సీనియర్‌ సిటిజన్లకు ఏడాదికి 7.55, రెండేళ్లకు 7.4 వడ్డీ రేటు వర్తిస్తుంది.

6/6