జగన్‌ అండతోనే రెచ్చిపోతున్నారు: చంద్రబాబు

తాజా వార్తలు

Published : 30/08/2020 01:53 IST

జగన్‌ అండతోనే రెచ్చిపోతున్నారు: చంద్రబాబు

అమరావతి: ఓం ప్రతాప్‌ కుటుంబాన్ని పరామర్శించేందుకు వెళ్తున్న తెదేపా నేతలను పోలీసులు  గృహ నిర్బంధం చేయడాన్ని తెలుగుదేశం అధినేత చంద్రబాబు తీవ్రంగా ఖండించారు. పార్టీ దళిత నాయకులతో శనివారం ఆయన  టెలీ కాన్ఫరెన్స్‌ నిర్వహించారు. 

‘‘తెదేపా కోరడం వల్లే ఓం ప్రతాప్‌ మృతదేహానికి శవపరీక్ష చేశారు. హడావుడిగా అంత్యక్రియలు జరపడం ఒక తప్పు. రహస్యంగా శవపరీక్ష జరపడం మరో తప్పు. మృతుడి చరవాణిని పోలీసులే తీసుకోవడం మరో తప్పు. కేసు లేకపోతే ఓం ప్రతాప్‌ చరవాణిని ఎందుకు తీసుకెళ్లారు? మృతుడు ఓం ప్రతాప్‌ ఫోన్‌కాల్‌ జాబితా బయటపెట్టాలి. బెదిరింపులు, ప్రలోభాలతో జరిగిన నేరం దాయలేరు’’ అని చంద్రబాబు మండిపడ్డారు.  

చిత్తూరులో దళితులపై దాడులకు పెద్దిరెడ్డే కారణమని ఆరోపించారు. శిరోముండనాల ఘటనలు మానవత్వానికి సిగ్గు చేటన్న చంద్రబాబు.. తూర్పుగోదావరి జిల్లా ఘటనలో నిందితుడిని అరెస్టు చేస్తే ఇప్పుడు విశాఖలో జరిగేదా అని ప్రశ్నించారు. వరుస శిరోముండనాలకు  సీఎం జగన్‌ బాధ్యత వహించాలని డిమాండ్‌ చేశారు. జగన్‌ అండతోనే  జిల్లాల్లో అరాచక శక్తులు పేట్రేగిపోతున్నాయన్నారు. జస్టిస్‌ పున్నయ్య కమిషన్‌ సిఫారసులను తెలుగుదేశం ప్రభుత్వం అమలు చేసిందని గుర్తు చేశారు. తమ హయాంలోనే ఎస్సీ, ఎస్టీ కమిషన్‌ ఏర్పాటు చేశామని చంద్రబాబు వివరించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని