యువ ఓటర్ల ఆకర్షణకు కాంగ్రెస్‌ కొత్త ఎత్తుగడ

తాజా వార్తలు

Published : 07/09/2020 01:16 IST

యువ ఓటర్ల ఆకర్షణకు కాంగ్రెస్‌ కొత్త ఎత్తుగడ

లఖ్‌నవూ: నానాటికీ దేశంలో కాంగ్రెస్‌ ప్రభ తగ్గుతోంది. యువ ఓటర్లు ఆ పార్టీకి దూరమవుతున్నారు. పూర్తి స్థాయి నాయకత్వలేమి పార్టీని వెంటాడుతోంది. ఇటీవల ఈ అంశాలే ఎజెండాగా పార్టీ సీనియర్లు కాంగ్రెస్‌ అధినేత్రికి లేఖాస్త్రం సంధించడం తెలిసిందే. ఈ నేపథ్యంలో యువ ఓటర్లకు గాలం వేసేందుకు యూపీ కాంగ్రెస్‌ వినూత్న పంథాలో ముందుకెళుతోంది. వారిని ఆకట్టుకునేందుకు క్విజ్‌ పోటీ నిర్వహిస్తోంది.

ఈ నెల 13, 14 తేదీల్లో యూపీ కాంగ్రెస్‌ ఈ పోటీ నిర్వహించనుంది. మాజీ ప్రధాని రాజీవ్‌ గాంధీ వ్యక్తిత్వం, విజయాలపై ప్రశ్నలు ఉండనున్నాయి. 16-22 ఏళ్ల వయసున్న వారు ఈ క్విజ్‌లో పాల్గొనవచ్చు. ఇప్పటికే 5 లక్షల మంది ఈ పోటీలో పాల్గొనేందుకు నమోదు చేసుకున్నారని, దాదాపు 20 లక్షల మంది వరకు ఇందులో పాల్గొనే అవకాశం ఉందని యూపీ కాంగ్రెస్‌ అధికార ప్రతినిధి అశోక్‌ సింగ్‌ తెలిపారు.

ఈ క్విజ్‌ ద్వారా యువత మాజీ ప్రధాని వ్యక్తిత్వం, విజయాలు తెలుసుకునే అవకాశం ఏర్పడుతుందని అశోక్‌ సింగ్‌ పేర్కొన్నారు. ఈ పోటీ అనంతరం వారితో పార్టీ సంభాషించనుందని తెలిపారు. యువత ముందుకు రావాలన్నదే పార్టీ నాయకత్వ ఉద్దేశమని పేర్కొన్నారు. భాజపా ప్రజా వ్యతిరేక విధానాలతో యువత తీవ్ర అవస్థలు ఎదుర్కొంటోందని పేర్కొన్నారు. ఈ ప్రయత్నాలు ఎంతమేర ఫలిస్తాయో చూడాలి మరి!


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని