Politics: పంజాబ్‌ కాంగ్రెస్‌లో సంక్షోభం ముగిసినట్లేనా?

తాజా వార్తలు

Updated : 15/07/2021 17:08 IST

Politics: పంజాబ్‌ కాంగ్రెస్‌లో సంక్షోభం ముగిసినట్లేనా?

సీఎంగానే అమరీందర్‌, నవజోత్‌కు పీసీసీ పగ్గాలు

చండీగఢ్‌: గతకొన్ని రోజులుగా పంజాబ్ కాంగ్రెస్‌లో అంతర్గత సంక్షోభం కొనసాగుతున్న విషయం తెలిసిందే. అయితే, అసెంబ్లీ ఎన్నికల ముందు చోటుచేసుకున్న ఈ పరిణామాలు కాంగ్రెస్‌ పార్టీకి ఓ తలనొప్పిగా మారాయి. ఈ నేపథ్యంలో పంజాబ్‌ ముఖ్యమంత్రి అమరీందర్‌ సింగ్‌, నవజోత్‌ సింగ్‌ సిద్ధూల జరుగుతోన్న కోల్డ్‌వార్‌ పరిష్కరానికి కాంగ్రెస్‌  ఓ నిర్ణయానికి వచ్చినట్లు తెలుస్తోంది. అమరీందర్‌ సింగ్‌ను ముఖ్యమంత్రిగా కొనసాగిస్తూనే, నవజోత్‌ సింగ్‌కు పీసీసీ పగ్గాలు అప్పజెప్పేందుకు కాంగ్రెస్‌ అధిష్ఠానం సిద్ధమైనట్లు సమాచారం.

సీఎంగా కెప్టెన్‌ అమరీందర్‌ సింగ్‌ను కొనసాగించేందుకే మొగ్గుచూపిన కాంగ్రెస్‌ అధిష్ఠానం, నవజోత్‌ సింగ్‌కు పీసీసీ బాధ్యతలు అప్పజెప్పనున్నట్లు పార్టీ వర్గాలు వెల్లడించాయి. వీరితో పాటు మరో ఇద్దరిని వర్కింగ్‌ ప్రెసిడెంట్లుగా నియమించే అవకాశాలున్నాయి. ఈ నేపథ్యంలో పంజాబ్‌ కాంగ్రెస్‌లో నెలకొన్న ప్రతిష్టంభనకు రెండు, మూడు రోజుల్లో తెరపడనుందని పంజాబ్‌ కాంగ్రెస్‌ ఇంఛార్జ్‌ హరీష్‌ రావత్‌ పేర్కొన్నారు. అమరీందర్‌ సారథ్యంలోనే వచ్చే అసెంబ్లీ ఎన్నికల్లో ముందుకు వెళ్తామని జాతీయ మీడియాతో హరీష్‌ రావత్‌ వెల్లడించారు.

ఇదిలాఉంటే, వచ్చే ఏడాది జరుగనున్న అసెంబ్లీ ఎన్నికలకు ముందు పంజాబ్‌ కాంగ్రెస్‌లో అమరీందర్‌, నవజోత్‌ సింగ్‌ల మధ్య కోల్డ్‌వార్‌ మొదలు కావడం పార్టీకి ఇబ్బందిగా మారింది. తన పనితీరును కాంగ్రెస్‌ పార్టీ కంటే ఇతర పార్టీలే ఎక్కువగా గుర్తించాయని నవజోత్‌ సింగ్‌ బహిరంగంగా చెప్పారంటే పరిస్థితి అర్థం చేసుకోవచ్చు. ముఖ్యమంత్రిపై తీవ్ర అసంతృప్తితో ఉన్న నవజోత్‌ సింగ్‌ సిద్ధూ, కాంగ్రెస్‌ నేత రాహుల్‌ గాంధీ, ప్రియాంకాలతో భేటీ అయ్యారు. ఇది జరిగిన మరుసటి రోజే సీఎం కెప్టెన్‌ అమరీందర్ సింగ్‌ కూడా కాంగ్రెస్‌ అధినేత్రి సోనియా గాంధీని కలిసి అక్కడి తాజా పరిస్థితులను వివరించారు. తొలుత సిద్ధూకు పీసీసీ చీఫ్‌, లేదా కేబినెట్‌లో అవకాశం కల్పిస్తారనే వార్తలు వచ్చాయి. కానీ, అందుకు కెప్టెన్‌ అమరీందర్‌ నిరాకరించినట్టు సమాచారం. కానీ, సోనియాను కలిసిన అనంతరం అధిష్ఠానం ఏ నిర్ణయం తీసుకున్నా కట్టుబడి ఉంటానని అమరీందర్‌ పేర్కొనడంతో సమస్యకు పరిష్కారం లభించినట్లు విశ్లేషకులు భావిస్తున్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని