తమిళనాడు ఎన్నికల్లో సత్తా చాటుతాం: షా
close

తాజా వార్తలు

Published : 07/03/2021 15:45 IST

తమిళనాడు ఎన్నికల్లో సత్తా చాటుతాం: షా

చెన్నై: తమిళనాడులో త్వరలో జరగబోయే ఎన్నికల్లో ఎన్డీయే కూటమి ప్రభుత్వాన్ని ఏర్పాటు చేస్తుందని కేంద్ర హోంమంత్రి అమిత్‌షా ధీమా వ్యక్తం చేశారు. కన్యాకుమారి లోక్‌సభ స్థానానికి ఏప్రిల్‌ 6న ఉపఎన్నిక జరగనున్న నేపథ్యంలో ఆయన ఆదివారం ఇక్కడ పర్యటించారు. ఆ స్థానానికి భాజపా తరపున కేంద్ర మాజీ మంత్రి రాధాకృష్ణన్‌ను పార్టీ ఖరారు చేసిన విషయం తెలిసిందే. ఈ క్రమంలో షా ఆయనతో కలిసి సుచీంద్రం జిల్లాలో ఇంటింటి ప్రచారాన్ని ప్రారంభించారు. ఈ సందర్భంగా అమిత్‌షా మాట్లాడుతూ.. కన్యాకుమారి లోక్‌సభ స్థానంలోనే కాదు.. తమిళనాడు అసెంబ్లీ ఎన్నికల్లోనూ భాజపా సత్తా చాటుతుందన్నారు. ప్రచారంలో ప్రజల ఉత్సాహం చూస్తుంటే ఫలితం కచ్చితంగా అర్థమవుతోందని హర్షం సంతోషం వ్యక్తం చేశారు. 

తమిళనాడు అసెంబ్లీ ఎన్నికలకు భాజపా, అన్నాడీఎంకే మధ్య పొత్తులో భాగంగా సీట్ల పంపిణీ విషయంలో ఒప్పందం కుదిరిన విషయం తెలిసిందే. భాజపాకు 20 అసెంబ్లీతో పాటు కన్యాకుమారి లోక్‌సభ స్థానాన్ని కేటాయిస్తూ అన్నాడీఎంకే నిర్ణయించింది. 234 స్థానాలున్న తమిళనాడు అసెంబ్లీకి ఏప్రిల్‌ 6న ఓకే దశలో ఎన్నికలు జరగనున్న విషయం తెలిసిందే. 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని