Bengal: కొలువుదీరిన మంత్రివర్గం

తాజా వార్తలు

Published : 10/05/2021 16:38 IST

Bengal: కొలువుదీరిన మంత్రివర్గం

కోల్‌కతా: పశ్చిమ బెంగాల్‌లో మంత్రివర్గం కొలువుదీరింది. 43 మంత్రులతో ముఖ్యమంత్రి మమతా బెనర్జీ తన మంత్రివర్గాన్ని విస్తరించారు. ఈ మేరకు కోల్‌కతాలోని రాజ్‌భవన్‌లో 43 మంది మంత్రులతో ఆ రాష్ట్ర గవర్నర్‌ జగ్‌దీప్‌ ధన్‌కర్‌ ప్రమాణం చేయించారు. కొవిడ్‌ విజృంభణ నేపథ్యంలో కార్యక్రమాన్ని సాదాసీదాగా నిర్వహించారు. ఈ కార్యక్రమానికి సీఎం మమతా బెనర్జీతోపాటు పలువురు ముఖ్య నేతలు హాజరయ్యారు. సుబ్రతా ముఖర్జీ, పార్థ ఛటర్జీ, జ్యోతి ప్రియాంకా మాలిక్‌ సహా పలువురు ప్రధాన నేతలు మంత్రులుగా ప్రమాణ స్వీకారం చేశారు.

ఐపీఎస్‌ మాజీ అధికారి హుమాయున్‌ కబీర్‌, మాజీ క్రికెటర్‌ మనోజ్‌కుమార్‌ తివారీతోపాటు మరో 14 మంది కొత్తవారికి దీదీ మంత్రివర్గంలో అవకాశం లభించింది. మొత్తం 43 మంది ఉన్న మంత్రి మండలిలో.. 24 మందికి కేబినెట్ పదవులు దక్కగా 10 మందికి స్వతంత్ర్య హోదా లభించింది. మరో 9 మంది సహాయ మంత్రులుగా ప్రమాణం చేశారు. ప్రమాణ స్వీకారం అనంతరం సీఎం మమతా బెనర్జీ తన మంత్రివర్గంతో సమావేశమయ్యారు. 

మే 2వ తేదీన వెలువడిన ఎన్నికల ఫలితాల్లో తృణమూల్‌ కాంగ్రెస్‌ పార్టీ (టీఎంసీ) విజయ ఢంకా మోగించింది. బెంగాల్‌లో ఎన్నికలు నిర్వహించిన  292 అసెంబ్లీ స్థానాలకు గానూ 213 స్థానాల్లో విజయం సాధించింది.  ఫలితాల అనంతరం ఈనెల 5వ తేదీన ముఖ్యమంత్రిగా మమతా బెనర్జీ ప్రమాణస్వీకారం చేశారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని