P Chidambaram: ఇంధన ధరల పెంపు.. కేంద్రం శతాబ్ది ఉత్సవాలు జరుపుకోవాలి

తాజా వార్తలు

Updated : 26/10/2021 05:43 IST

P Chidambaram: ఇంధన ధరల పెంపు.. కేంద్రం శతాబ్ది ఉత్సవాలు జరుపుకోవాలి

దిల్లీ: దేశంలో పెరిగిపోతున్న ఇంధన ధరలపై కాంగ్రెస్‌ సీనియర్‌ నేత, మాజీ ఆర్థిక మంత్రి పి.చిదంబరం కేంద్రంపై విమర్శనాస్త్రాలు ఎక్కుపెట్టారు. 100 కోట్ల టీకా డోసులు ఇచ్చిన తర్వాత సంబురాలు చేసుకున్న విధంగానే.. ఇంధన ధరలు రూ.100 దాటిన సందర్భంగా కేంద్రం ‘శతాబ్ది ఉత్సవాలు’ జరుపుకోవాలంటూ వ్యంగ్యాస్త్రాలు విరిసారు. ‘దేశంలో 100 కోట్ల టీకా డోసులు పూర్తయిన తర్వాత సంబురాలు జరుపుకోవాలని మంత్రులకు మోదీ విన్నవించారు. అదేవిధంగా మరికొన్ని విషయాల్లోనూ ఉత్సవాలు జరుపుకోవాలని ప్రధాని పిలుపునివ్వాలి. దేశంలో కొద్దిరోజుల క్రితమే పెట్రోల్‌ ధర రూ.100 దాటింది. ఇప్పుడు డీజిల్ రూ.100 మార్కును అందుకుంది. గ్యాస్‌ సిలిండర్‌ ధర రూ.1000కి చేరింది. ఈ విషయాల్లోనూ కేంద్రం సంబురాలు చేసుకోవాలి’ అంటూ ట్విటర్‌ వేదికగా వ్యంగ్యాస్త్రాలు సంధించారు.

దేశంలో పెట్రోల్‌, డీజిల్‌ ధరలు క్రమంగా పెరుగుతూ ఆకాశాన్నంటుతున్నాయి. పలు రాష్ట్రాల్లో పెట్రోల్‌ రేటు 110 దాటగా, డీజిల్‌ ధర రూ.100 దాటింది. దేశ రాజధాని దిల్లీలో ప్రస్తుతం పెట్రోల్‌ రేటు రూ.107.59 ఉంటే, డీజిల్‌ ధర రూ.96.32గా ఉంది. దేశ వాణిజ్య రాజధాని ముంబయిలో పెట్రోల్‌ ధర రూ.113.46, డీజిల్‌ రేటు రూ.104.38గా కొనసాగుతోంది. గతేడాది మే (2020) నుంచి ఇప్పటివరకు పెట్రోల్‌పై దాదాపు రూ.36 పెరగగా డీజిల్‌పై రూ.26 పెరిగింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని