మహారాష్ట్ర కొత్త హోంమంత్రిగా దిలిప్‌ వాల్షే 

తాజా వార్తలు

Updated : 06/04/2021 10:16 IST

మహారాష్ట్ర కొత్త హోంమంత్రిగా దిలిప్‌ వాల్షే 

పవార్‌ పీఏగా మొదలై.. హోంమంత్రిగా ఎదిగి!


ముంబయి: మహారాష్ట్ర కొత్త హోంమంత్రిగా ఎన్సీపీ నేత దిలీప్‌ వాల్షే పాటిల్‌ నియమితులయ్యారు. ఇదివరకు హోంమంత్రిగా ఉన్న అనిల్‌ దేశ్‌ముఖ్‌ అవినీతి ఆరోపణలపై సీబీఐ విచారణకు బాంబే హైకోర్టు ఆదేశించిన నేపథ్యంలో తన పదవికి రాజీనామా చేసిన విషయం తెలిసిందే. దీంతో ఇప్పటికే ఎక్సైజ్‌ శాఖ మంత్రిగా కొనసాగుతున్న దిలీప్‌ వాల్షేకు హోంశాఖ బాధ్యతలు అప్పగించారు. ప్రస్తుతం దిలీప్‌ వాల్షే నిర్వహిస్తున్న ఎక్సైజ్‌ శాఖను డిప్యూటీ సీఎంగా ఉన్న అజిత్‌ పవార్‌కు అప్పగించాలని మహారాష్ట్ర ప్రభుత్వం నిర్ణయించింది. 

ఎవరీ దిలిప్‌ వాల్షే..

1954 అక్టోబర్‌ 30న  అంబెగాన్‌లో జన్మించిన దిలీప్‌ వాల్షే రాజకీయ కుటుంబం నుంచే రాజకీయాల్లోకి ప్రవేశించారు. ఎన్సీపీ అధినేత శరద్‌ పవార్‌ స్నేహితుడు, కాంగ్రెస్‌ మాజీ ఎమ్మెల్యే దత్తాత్రేయ్‌ వాల్షే పాటిల్‌ తనయుడు. దిలీప్‌ వాల్షే శరద్‌ పవార్‌కు వ్యక్తిగత సహాయకుడి (పీఏ)గా తన కెరీర్‌ను ప్రారంభించారు. 1990లో అంబేగాన్‌ అసెంబ్లీ స్థానం నుంచి కాంగ్రెస్‌ తరఫున పోటీచేసి తొలిసారిగా అసెంబ్లీలో అడుగు పెట్టారు. అప్పట్నుంచి అదే స్థానం నుంచి వరుసగా విజయాలు సాధిస్తున్నారు. 1999లో ఎన్సీపీ ఏర్పాటైన సందర్భంలో ఆయన పవార్‌ వెంట నడిచారు. అనంతరం కాంగ్రెస్‌ నేతృత్వంలోని విలాస్‌రావ్‌ దేశ్‌ముఖ్‌ కేబినెట్‌లో విద్యుత్‌, వైద్యవిద్య శాఖ మంత్రిగా పనిచేశారు. 2009 నుంచి 2014 వరకు మహారాష్ట్ర అసెంబ్లీ స్పీకర్‌గానూ ఉన్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని