close

తాజా వార్తలు

Published : 07/03/2021 01:27 IST
Facebook Share Twitter Share WhatsApp Share Telegram Share

టీఎంసీ Vs భాజపా.. ఇద్దరు మాజీ ఐపీఎస్‌లు!

కోల్‌కతా: పశ్చిమ బెంగాల్‌ అసెంబ్లీ ఎన్నికలు యావత్‌ దేశం దృష్టిని ఆకర్షిస్తున్నాయి. అధికార తృణమూల్‌ కాంగ్రెస్‌, భాజపా అక్కడ నువ్వా-నేనా అన్నట్టు తలపడుతున్నాయి. హ్యాట్రిక్‌ కొట్టాలని దీదీ.. బెంగాల్‌లో ఈసారి ఎలాగైనా పాగా వేయాల్సిందేనన్న పట్టుదలతో భాజపా దూకుడుగా ముందుకెళ్తున్నాయి. ఇందులో భాగంగా అభ్యర్థుల ఎంపికలోనూ పదునైన వ్యూహాలతో ఆచితూచి వ్యవహరిస్తున్నాయి. దేబ్రా నియోజకవర్గంలో ఈ రెండు పార్టీలూ ఇద్దరు మాజీ ఐపీఎస్‌లను బరిలో దించడమే ఇందుకు నిదర్శనం.

పశ్చిమ మిడ్నాపూర్‌ జిల్లాలోని దేబ్రా నియోజకవర్గంలో ఈసారి టీఎంసీ, భాజపా మధ్య తీవ్రంగా పోటీ జరగనుంది. ఆ రెండు పార్టీలూ ఇక్కడి నుంచి ఇద్దరు మాజీ ఐపీఎస్‌లను బరిలో దించి రాజకీయ వేడి పుట్టించాయి. హమయూన్‌ కబీర్‌ను అధికార తృణమూల్‌ కాంగ్రెస్‌ బరిలో నిలపగా.. భాజపా కూడా అందుకు దీటైన అభ్యర్థినే పోటీలో పెట్టింది. మాజీ ఐపీఎస్‌ అధికారి భారతీ ఘోష్‌ను తమ అభ్యర్థిగా ఖరారు చేసింది. చందన్‌నగర్‌ పోలీస్‌ కమిషనర్‌గా పనిచేసి రాజీనామా చేసిన హుమయూన్‌ కబీర్‌ గత నెలలో తృణమూల్‌ కాంగ్రెస్‌లో చేరారు. చందన్‌నగర్‌లో నందిగ్రామ్‌ భాజపా అభ్యర్థి సువేందు అధికారి నిర్వహించిన ఎన్నికల ర్యాలీలో గోలీమార్‌ నినాదాలు చేసిన ముగ్గురు భాజపా కార్యకర్తలను అరెస్టు చేసి ఆయన వార్తల్లో నిలిచారు.

మరోవైపు, భారతీఘోష్‌ కూడా గతంలో జార్‌గ్రామ్‌ జిల్లా పోలీస్‌ బాస్‌గా పనిచేశారు. సీఎం మమతా బెనర్జీకి సన్నిహితురాలిగా ఆమెకు పేరుంది. ఓ బహిరంగ కార్యక్రమంలో దీదీని అమ్మగా కూడా సంబోధించారామె. అయితే, 2019లో జరిగిన లోక్‌సభ ఎన్నికలకు ముందు ఆమె తన ఉద్యోగానికి రాజీనామా చేసి కాషాయ దళంలో చేరి ఈ ఎన్నికల్లో టికెట్‌ సాధించారు.


ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని