కావాలంటే అన్నీ విశాఖలోనే పెట్టండి: అయ్యన్న

తాజా వార్తలు

Updated : 08/02/2020 15:52 IST

కావాలంటే అన్నీ విశాఖలోనే పెట్టండి: అయ్యన్న

విశాఖ: వైకాపా ప్రభుత్వం అధికారంలోకి వచ్చాక రాష్ట్ర ఆర్థిక పరిస్థితి పూర్తిగా దిగజారిందని మాజీ మంత్రి అయ్యన్నపాత్రుడు అన్నారు. విశాఖ నుంచి లూలూ, అదానీ కంపెనీలు పారిపోయాయని దుయ్యబట్టారు. అసెంబ్లీకి దొడ్డిదారిన.. హైకోర్టుకు మాత్రం రాజమార్గంలో కాన్వాయ్‌లో సీఎం జగన్‌ వెళతారని ఎద్దేవాచేశారు. ఇప్పుడు మూడు రాజధానులకు మద్దతు పలుకుతున్న మంత్రి బొత్సకు.. గతంలో మంత్రిగా పనిచేసినప్పుడు ఉత్తరాంధ్ర అభివృద్ధి కనిపించలేదా? అని ప్రశ్నించారు.

అమరావతి నుంచి రాజధాని మారే ప్రసక్తే లేదని అయ్యన్నపాత్రుడు స్పష్టంచేశారు. రాజధాని గురించి మేనిఫెస్టోలో ఎక్కడా చెప్పకుండా.. ఇవాళ ఎవరు కోరారని రాజధాని మారుస్తున్నారని సీఎం జగన్‌ను నిలదీశారు. అసెంబ్లీ అమరావతిలో, సెక్రటేరియట్‌ విశాఖలో ఉంటే పరిపాలన సజావుగా ఎలా సాగుతుందని ప్రశ్నించారు. ఒకే రాష్ట్రం, ఒకే రాజధాని తమ నినాదమని చెప్పారు. కావాలంటే విశాఖలోనే సెక్రటేరియట్‌, అసెంబ్లీ, హైకోర్టు అన్నీ పెట్టాలని సూచించారు. రాజధాని విశాఖకు వస్తే అమరావతిలో ఉన్న ఉద్యోగులు ఇక్కడకు వస్తారే తప్ప పెద్దగా మార్పేమీ ఉండదన్నారు. నిజంగా విశాఖను అభివృద్ధి చెయ్యాలనుకుంటే పరిశ్రమలు తీసుకురావాలని ప్రభుత్వానికి హితవు పలికారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని