ఆ హక్కు ఎంఐఎంకు లేదు: రాజాసింగ్‌

తాజా వార్తలు

Published : 11/02/2020 00:43 IST

ఆ హక్కు ఎంఐఎంకు లేదు: రాజాసింగ్‌

భాజపా ఎమ్మెల్యే రాజాసింగ్‌

హైదరాబాద్‌: హిందూ దేవాలయాల అభివృద్ధికి నిధులు అడిగే హక్కు ఎంఐఎంకు లేదని భాజపా ఎమ్మెల్యే రాజాసింగ్‌ విమర్శించారు. హిందూ వ్యతిరేక మచ్చ తొలగించుకునేందుకు ఆ పార్టీ నేతలు ప్రయత్నిస్తున్నారని ఆయన ఆరోపించారు. గతంలో హిందువుల గోవులపై చేసిన వ్యాఖ్యలకు క్షమాపణ చెప్పాకే దేవాలయాల అభివృద్ధి గురించి మాట్లాడాలని రాజాసింగ్‌ డిమాండ్‌ చేశారు. ఈ మేరకు ఫేస్‌బుక్‌లో ఓ వీడియో సందేశాన్ని ఆయన పోస్ట్‌ చేశారు. పాతబస్తీలోని కాళీమాత ఆలయాన్ని ఎలా అభివృద్ధి చేసుకోవాలో తమకు తెలుసన్నారు. ముఖ్యమంత్రి కేసీఆర్‌ ప్రణాళికలో భాగంగానే అక్బరుద్దీన్‌ ఒవైసీ ప్రగతి భవన్‌కు వెళ్లారని ఆయన ఆరోపించారు. కేసీఆర్‌ ఎంఐఎంకు కాకుండా రాష్ట్రానికి సీఎంగా వ్యవహరించాలని హితవుపలికారు. నియోజకవర్గ సమస్యలు చెప్పుకోవడానికి సీఎం తమకు సమయం ఇవ్వడంలేదని, అదే ఎంఐఎం నాయకులకు మాత్రం అడగకుండానే సమయం కేటాయిస్తున్నారని రాజాసింగ్‌ ఆరోపించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని