‘ఏపీ కరోనా టెస్టుల్లో విశ్వసనీయత ఉందా?’

తాజా వార్తలు

Published : 25/06/2020 02:37 IST

‘ఏపీ కరోనా టెస్టుల్లో విశ్వసనీయత ఉందా?’

ట్విటర్‌లో నారా లోకేశ్‌ ప్రశ్న

అమరావతి‌: ఆంధ్రప్రదేశ్‌లో కరోనా పరీక్షలను ఆషామాషీగా చేస్తున్నారా అనే అనుమానం వస్తోందని తెదేపా జాతీయ ప్రధాన కార్యదర్శి నారా లోకేశ్‌ అన్నారు. ప్రజల ప్రాణాలకు సంబంధించిన కరోనా పరీక్షల్లో నిర్లక్ష్యం తగదని లోకేశ్‌ హితవు పలికారు. ‘‘ఎమ్మెల్సీ దీపక్‌ రెడ్డికి కరోనా పాజిటివ్‌ వచ్చిందని, క్వారంటైన్‌కు రమ్మని హడావుడి చేశారు. అదే హైదరాబాద్‌లో రెండుసార్లు పరీక్ష చేసుకుంటే నెగిటివ్‌ వచ్చింది. ఒక ఎమ్మెల్సీ విషయంలోనే ఇలా ఆటలాడితే, ప్రజలతో ఇంకెన్ని ఆటలు ఆడుతున్నారు? ప్రజల ప్రాణాలకు సంబంధించిన కరోనా పరీక్షల్లో ఏమిటీ నిర్లక్ష్యం?’’ అని లోకేశ్‌ ప్రశ్నించారు. 

‘‘పాజిటివ్ అని నిర్ధరణ చేసుకోకుండా దీపక్ రెడ్డిని క్వారంటైన్ లో పెట్టడానికి చేసిన హడావిడి చూస్తే.. ప్రభుత్వం ఇంకేదైనా కుట్ర చేసిందా అనే అనుమానాలు వస్తున్నాయి. ఏది ఏమైనా కరోనా పరీక్షల విశ్వసనీయత తేలాల్సిందే’’ అని నారా లోకేశ్‌ ట్వీట్‌ చేశారు. దీంతో పాటు దీపక్‌ రెడ్డి పరీక్ష ఫలితాలను ట్వీట్‌లో జోడించారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని