మూసీ ప్రక్షాళనకు చర్యలు తీసుకోండి: కోమటిరెడ్డి

తాజా వార్తలు

Published : 26/03/2021 01:25 IST

మూసీ ప్రక్షాళనకు చర్యలు తీసుకోండి: కోమటిరెడ్డి

ప్రధాని మోదీకి లేఖ రాసిన కాంగ్రెస్‌ ఎంపీ

హైదరాబాద్‌: మూసీ నది ప్రక్షాళనకు చర్యలు తీసుకోవాలని ప్రధాని నరేంద్రమోదీని కాంగ్రెస్‌ ఎంపీ కోమటిరెడ్డి వెంకట్‌రెడ్డి కోరారు. ఈ మేరకు ప్రధానికి ఆయన లేఖ రాశారు. హైదరాబాద్‌ ఖ్యాతికి నిలువుటద్దమైన మూసీ నది.. కాలుష్యం కోరల్లో చిక్కుకుందని ఆయన ఆవేదన వ్యక్తం చేశారు. నాడు నగర వాసులకు తాగు, సాగునీటి అవసరాలకు ఉపయోగపడే ఆ నది నీరు.. నేడు వాడకానికి పనిరాకుండా పోయిందన్నారు. కాలుష్యం బారిన పడిన మూసీని రక్షించేందుకు చర్యలు తీసుకోవాలని ప్రధానికి కోమటిరెడ్డి విజ్ఞప్తి చేశారు. 

మూసీ పరీవాహక ప్రాంతాల్లో 300 నుంచి 500 అడుగుల లోతు వరకు భూగర్భజలం కలుషితమైందని లేఖలో ఆయన పేర్కొన్నారు. భువనగిరి లోక్‌సభ నియోజకవర్గం పరిధిలోని చౌటుప్పల్‌, భూదాన్‌ పోచంపల్లి ప్రాంతాల్లో 40కి పైగా ఫార్మా కంపెనీలు ఉన్నాయని.. ఇవన్నీ హానికరమైన వ్యర్థాలను నదిలోకి విడిచిపెడుతున్నాయని ప్రధాని దృష్టికి తీసుకెళ్లారు. జాతీయ నదుల పరిరక్షణ పథకంలో భాగంగా మూసీ ప్రక్షాళనకు చర్యలు తీసుకోవాలని మోదీని కోమటిరెడ్డి కోరారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని