Raghurama: అక్రమ కేసులు ఆపాలి: రఘురామ

తాజా వార్తలు

Updated : 07/07/2021 11:37 IST

Raghurama: అక్రమ కేసులు ఆపాలి: రఘురామ

దిల్లీ: ఐటీ చట్టం సెక్షన్‌ 66ఏ కింద ఆంధ్రప్రదేశ్‌ రాష్ట్రంలో పోలీసు కేసుల నమోదు ఆపాలని ఎంపీ రఘురామ కోరారు. నవ సూచనల పేరుతో సీఎం జగన్‌కు లేఖలు రాస్తున్న ఎంపీ ఇవాళ రాసిన లేఖలో సెక్షన్‌ 66ఏ గురించి ప్రస్తావించారు. రాష్ట్రంలో సోషల్‌ మీడియా కార్యకలాపాలపై ఈ చట్టం ప్రకారం విచ్చలవిడిగా తప్పుడు కేసులు బనాయిస్తున్నారని తెలిపారు. ఈ చట్టాన్ని 2015లోనే సుప్రీంకోర్టు రద్దు చేసినా పోలీసులు అదే సెక్షన్‌పై కేసులు నమోదు చేయడంపై ఇటీవల సుప్రీం కోర్టు నోటీసులు కూడా ఇచ్చిందన్నారు. 

‘‘చట్ట విరుద్ధ చర్యలను తక్షణమే నిలుపుదల చేయకపోతే భరించే శక్తిలేని ప్రజలు మన ప్రభుత్వంపై తిరుగుబాటు చేసే అవకాశం కన్పిస్తోంది. నా పార్లమెంటు నియోజకవర్గం సహా.. రాష్ట్రంలో మరికొన్ని చోట్ల కూడా జరుగుతున్న కొన్ని సంఘటనలను తలచుకుంటే బాధేస్తోంది. ఎవరైనా నా ఫొటోను వారి ఫోన్‌లో డిస్ ప్లే చేసినా, మెసేజింగ్ యాప్‌లలో వాడుకున్నా వారిని పోలీసు స్టేషన్కు పిలుస్తున్నారు. చాలా సందర్భాలలో బాధిత ప్రజలు న్యాయస్థానాలకు వెళ్లడం లేదు కాబట్టి పోలీసులు యథేచ్ఛగా అదృశ్య శక్తి ఆదేశాలు అమలు చేస్తున్నారు’’ అని రఘురామ లేఖలో పేర్కొన్నారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని