Navjot Singh Sidhu: సీఎంతో భేటీ కానున్న సిద్ధూ.. రాజీనామాపై వెనక్కి తగ్గేనా?

తాజా వార్తలు

Published : 30/09/2021 12:37 IST

Navjot Singh Sidhu: సీఎంతో భేటీ కానున్న సిద్ధూ.. రాజీనామాపై వెనక్కి తగ్గేనా?

చండీగఢ్‌: సంక్షోభంలో కూరుకుపోయిన పంజాబ్‌ కాంగ్రెస్‌లో పరిణామాలు అనేక మలుపులు తిరుగుతున్నాయి. పంజాబ్‌ పీసీసీ అధ్యక్ష పదవికి అనూహ్యంగా రాజీనామా చేసి పార్టీలో అలజడి సృష్టించారు నవజోత్ సింగ్‌ సిద్ధూ. ఆయన రాజీనామాను కాంగ్రెస్‌ ఇంకా ఆమోదించలేదు. అయితే సిద్ధూ తన నిర్ణయాన్ని వెనక్కి తీసుకునే సంకేతాలు కన్పిస్తున్నాయి. గురువారం మధ్యాహ్నం రాష్ట్ర ముఖ్యమంత్రి చరణ్‌జిత్‌ సింగ్‌ చన్నీతో సిద్ధూ భేటీ కానున్నారు. 

ఈ విషయాన్ని సిద్ధూ స్వయంగా ట్విటర్‌ ద్వారా వెల్లడించడం విశేషం. ‘‘చర్చల కోసం సీఎం నన్ను ఆహ్వానించారు. ఈ మధ్యాహ్నం 3 గంటలకు చండీగఢ్‌లోని పంజాబ్‌ భవన్‌లో మేం భేటీ కానున్నాం. ఎలాంటి చర్చలకైనా ఆయన్ను స్వాగతిస్తున్నా’’ అని సిద్ధూ ట్వీట్ చేశారు. సీఎం చన్నీ బుధవారం సిద్ధూతో ఫోన్లో మాట్లాడారు. చర్చల ద్వారా సమస్యలు పరిష్కరించుకుందామని సీఎం కోరగా.. అందుకు సిద్ధూ అంగీకరించారు. 

ఇదిలా ఉండగా.. రాజీనామాపై సిద్ధూ తన నిర్ణయాన్ని మార్చుకునే అవకాశాలున్నాయని ఆయన సన్నిహిత వర్గాల సమాచారం. పంజాబ్‌ పీసీసీ చీఫ్‌గా సిద్ధూనే కొనసాగుతారని, ఆయన నేతృత్వంలోనే వచ్చే ఏడాది కాంగ్రెస్‌ అసెంబ్లీ ఎన్నికలకు వెళ్తుందని సదరు వర్గాలు చెబుతున్నాయి. ఈ క్రమంలో నేటి మధ్యాహ్నం జరగబోయే సిద్ధూ-చన్నీ భేటీ ప్రాధాన్యత సంతరించుకుంది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని