ఆ చట్టాలతో గ్రామీణ ఆర్థికానికి దెబ్బ: రాహుల్‌

తాజా వార్తలు

Published : 12/02/2021 01:11 IST

ఆ చట్టాలతో గ్రామీణ ఆర్థికానికి దెబ్బ: రాహుల్‌

దిల్లీ: దేశంలోని పారిశ్రామికవేత్తలు అపరిమితంగా ఆహారధాన్యాలు కొనుగోలు చేయడానికే నూతన సాగు చట్టాలు ఉపయోగపడతాయని కాంగ్రెస్‌ నేత రాహుల్‌గాంధీ ఆరోపించారు. ఆయా చట్టాలను ఉద్దేశిస్తూ ఆయన గురువారం లోక్‌సభలో కేంద్రంపై విరుచుకుపడ్డారు. అంతేకాకుండా దేశాన్ని కేవలం నలుగురు వ్యక్తులు మాత్రమే పరిపాలిస్తున్నారంటూ రాహుల్‌ కేంద్రంపై తీవ్ర విమర్శలు చేశారు. 

‘దిల్లీ సరిహద్దుల్లో సాగు చట్టాలకు వ్యతిరేకంగా కొనసాగుతున్న రైతుల ఆందోళనలకు మా మద్దతు ఉంటుంది. ఇది కేవలం రైతుల ఆందోళన మాత్రమే కాదు.. ఇది దేశవ్యాప్త ప్రజల ఉద్యమం. పారిశ్రామికవేత్తలు అపరిమితంగా ఆహారధాన్యాలు కొనుగోలు చేయడమే ఆ సాగు చట్టాల ఉద్దేశం. కాబట్టి కేంద్రం వాటిని తప్పనిసరిగా రద్దు చేయాలి. ఈ నూతన సాగు చట్టాలు దేశంలో ఆహార భద్రతను కొల్లగొట్టేవిధంగా ఉన్నాయి. అంతేకాకుండా ఆ చట్టాలు గ్రామీణ ఆర్థిక వ్యవస్థను, చిన్న, మధ్యతరహా వ్యాపారుల్ని సైతం అవి దెబ్బతీస్తాయి. కేవలం నలుగురు వ్యక్తులే దేశాన్ని పరిపాలిస్తున్నారు. వారెవరో మీకు కూడా తెలుసు’ అంటూ రాహుల్‌ విమర్శించారు. సాగు చట్టాలకు వ్యతిరేకంగా కొనసాగుతున్న నిరసనల్లో భాగంగా మృతి చెందిన రైతులకు.. రాహుల్‌గాంధీ ఆధ్వర్యంలో కాంగ్రెస్‌ ఎంపీలు మౌనం పాటించి నివాళి అర్పించారు. నిరసనల సమయంలో మరణించిన రైతులకు ప్రభుత్వం నివాళి అర్పించలేదు.. కాబట్టే తాను ఇప్పుడు ఇలా చేయాల్సి వచ్చిందని రాహుల్‌ వెల్లడించారు. 

ఇదీ చదవండి

చిన్నారికి కష్టం.. చలించిన మోదీ


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని