AP Politics: తప్పుడు కేసులతో ఎఫ్ఐఆర్ పుస్తకాలన్నీ నిండిపోయాయి: అచ్చెన్నాయుడు

తాజా వార్తలు

Updated : 13/09/2021 12:33 IST

AP Politics: తప్పుడు కేసులతో ఎఫ్ఐఆర్ పుస్తకాలన్నీ నిండిపోయాయి: అచ్చెన్నాయుడు

అమరావతి: ఏపీలో వైకాపా రెండేళ్ల పాలనలో తెదేపా శ్రేణులపై నమోదు చేసిన తప్పుడు కేసులతో ఎఫ్ఐఆర్ పుస్తకాలన్నీ నిండిపోయాయని తెదేపా ఏపీ అధ్యక్షుడు అచ్చెన్నాయుడు ధ్వజమెత్తారు. కొందరు పోలీసుల వ్యవహారశైలి శృతి మించుతోందన్నారు. ‘‘పంచాయతీ ఎన్నికల్లో పోటీ చేసినందుకు తెదేపా కార్యకర్త అంజిపై కడప జిల్లా చిన్నమండెం పోలీసులు అక్రమ కేసులు పెట్టడంతో పాటు కొట్టి హింసించడాన్ని తీవ్రంగా ఖండిస్తున్నాం.

కండ్రికలో వైకాపా కార్యకర్తలు తెదేపా కార్యకర్తలపై దాడి చేస్తే బాధితులనే ఇబ్బంది పెడుతున్నారు. తప్పుడు కేసు పెట్టిన పోలీసు అధికారి పేర్లను రాసుకుంటున్నాం. భవిష్యత్‌లో వారు తగిన మూల్యం చెల్లించుకోక తప్పదు. కొందరి తీరు పోలీస్‌ వ్యవస్థకు చెడ్డపేరు తెస్తోంది. పోలీసులు ఇకనైనా పద్ధతి మార్చుకొని చట్టం ప్రకారం నడుచుకోవాలి’’ అని అచ్చెన్నాయుడు ఓ ప్రకటనలో పేర్కొన్నారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని