Revanth reddy: అందువల్లే నాకు పీసీసీ పదవి వచ్చింది: రేవంత్‌రెడ్డి

తాజా వార్తలు

Published : 30/08/2021 01:18 IST

Revanth reddy: అందువల్లే నాకు పీసీసీ పదవి వచ్చింది: రేవంత్‌రెడ్డి

హైదరాబాద్‌: కొంపల్లిలోని పీఎస్‌ఆర్‌ కన్వెన్షన్‌ హాల్లో బోధన్‌ నియోజకవర్గ కాంగ్రెస్‌ కార్యకర్తల సమావేశం జరిగింది. సమావేశంలో పాల్గొన్న రేవంత్‌రెడ్డి మాట్లాడుతూ.. సోనియా గాంధీ తీసుకున్న నిర్ణయంలో మాజీ మంత్రి సుదర్శన్‌రెడ్డి క్రీయాశీల పాత్ర పోషించారని తెలిపారు. ‘‘రాజీవ్‌ రైతు దీక్ష పేరుతో నిజామాబాద్‌లో ఏర్పాటు చేసిన సభ విజయవంతం కావడం దిల్లీ కాంగ్రెస్‌కు చేరింది. అందువల్లే నాకు టీపీసీసీ పదవి వచ్చింది. మూతపడ్డ నిజాం షుగర్‌ ఫ్యాక్టరీని 100 రోజుల్లో తెరిపిస్తామని తెరాస హామీ ఇచ్చి నిలబెట్టుకోలేదు. కేసీఆర్‌ ఓసారి ఎమ్మెల్యేగా, సింగిల్‌ విండో డైరెక్టర్‌గా పోటీ చేసి ఓడిపోయారు. అబద్ధాలు చెప్పి నిజామాబాద్‌లో గెలిచిన కవిత హామీలు నిలబెట్టుకోకపోవడంతో రైతులు నామినేషన్‌ వేసి ఓడగొట్టారు. ఎంపీ అరవింద్‌ పసుపు బోర్డు తెస్తానని మోసం చేస్తున్నారు. కాంగ్రెస్‌ దళితబంధు పేరుతో ప్రశ్నిస్తుంటే.. కేసీఆర్‌ ఓడిపోతారనే భయంతో తిరిగి తెలంగాణ, ఆంధ్రా ప్రజలను రెచ్చగొట్టి ప్రయోజనం పొందాలనుకుంటున్నారు. త్వరలో గజ్వేల్‌, నిజామాబాద్‌లో భారీ సభ ఏర్పాటు చేస్తాం’’ అని రేవంత్‌రెడ్డి తెలిపారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని