By Elections: హుజూరాబాద్‌, బద్వేలు ఉప ఎన్నిక నోటిఫికేషన్‌ విడుదల

తాజా వార్తలు

Updated : 01/10/2021 16:54 IST

By Elections: హుజూరాబాద్‌, బద్వేలు ఉప ఎన్నిక నోటిఫికేషన్‌ విడుదల

ఇంటర్నెట్‌డెస్క్‌: తెలుగు రాష్ట్రాల్లో శాసనసభ ఉప ఎన్నికలకు గెజిట్‌ నోటిఫికేషన్‌ విడుదలైంది. ఏపీలోని బద్వేలు, తెలంగాణలోని హుజూరాబాద్‌ స్థానాలకు ఈనెల 30న ఎన్నికల పోలింగ్‌ జరగనుంది. నోటిఫికేషన్‌ విడుదలైన నేపథ్యంలో నేటి నుంచి నామినేషన్ల ప్రక్రియ ప్రారంభం కానుంది. ఈనెల 8 వరకు నామినేషన్ల స్వీకరణకు గడువుంది. నామినేషన్ల పరిశీలనకు ఈనెల 11, ఉపసంహరణకు 18వ తేదీ వరకు సమయం ఉంది. నవంబర్‌ 2న ఓట్ల లెక్కింపు చేపట్టి ఫలితాలు వెల్లడించనున్నారు. తెలంగాణ మాజీ మంత్రి ఈటల రాజేందర్‌ ఎమ్మెల్యే పదవికి రాజీనామా చేయడంతో హుజూరాబాద్‌లో.. వైకాపా ఎమ్మెల్యే డా. వెంకట సుబ్బయ్య మృతిచెందడంతో బద్వేలు ఉప ఎన్నిక అనివార్యమైంది.

ఇంటింటి ప్రచారానికి ఐదుగురికి మించి వెళ్లొద్దు: విజయానంద్‌

ఏపీలో ఉప ఎన్నిక నోటిఫికేషన్‌ను రాష్ట్ర ఎన్నికల ప్రధానాధికారి విజయానంద్‌ విడుదల చేశారు. ఈ సందర్భంగా ఆయన మాట్లాడుతూ కొవిడ్‌ పరిస్థితుల దృష్ట్యా నిబంధనలు పాటించాలన్నారు. ఎన్నికల ప్రచారంలో ద్విచక్ర వాహన, ఇతర ర్యాలీను నిషేధించినట్లు చెప్పారు. నామినేషన్‌ వేసే సమయంలో అభ్యర్థితో పాటు ఒక్కరే వెళ్లాలన్నారు. ఇండోర్‌లో 200 మంది, బహిరంగ ప్రదేశాల్లో 1000 మందికి మించి సమావేశాలు నిర్వహించేందుకు అనుమతి లేదని చెప్పారు. దీనిపై ఇప్పటికే జిల్లా యంత్రాంగానికి, పోలీసుశాఖకు ఆదేశాలు ఇచ్చామని విజయానంద్‌ తెలిపారు. ఇంటింటి ప్రచారానికి ఐదుగురికి మించి వెళ్లకూడదన్నారు. వీధులు, కాలనీల్లో నిర్వహించే సమావేశాల్లో 50 మందికి మించ కూడదన్నారు. ఈ విషయాలను ఇప్పటికే ఆయా రాజకీయ పార్టీలకు సూచించామని ఆయన వివరించారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని