TS News: సౌకర్యాల కల్పనలో వెనుకాడం.. డబుల్‌ బెడ్‌రూమ్‌ ఇళ్ల ప్రారంభోత్సవంలో కేటీఆర్‌

తాజా వార్తలు

Updated : 28/08/2021 15:28 IST

TS News: సౌకర్యాల కల్పనలో వెనుకాడం.. డబుల్‌ బెడ్‌రూమ్‌ ఇళ్ల ప్రారంభోత్సవంలో కేటీఆర్‌

హైదరాబాద్‌: చంచల్‌గూడ జైలును తరలించాలనే విజ్ఞప్తులను సీఎం కేసీఆర్‌ దృష్టికి తీసుకెళతానని మంత్రి కేటీఆర్‌ హామీ ఇచ్చారు. చంచల్‌గూడ సమీపంలో ఉన్న పిల్లి గుడిసెల బస్తీలో నిర్మించిన 288 డబుల్‌ బెడ్‌రూం ఇళ్లను మంత్రి కేటీఆర్‌ ఇవాళ ప్రారంభించారు. కార్యక్రమంలో ఎంపీ అసదుద్దీన్‌ ఓవైసీ పాల్గొన్నారు. ఈ సందర్భంగా కేటీఆర్‌ మాట్లాడుతూ.. మురికివాడగా ఉన్న ఈ బస్తీని అద్భుతంగా తీర్చిదిద్దామన్నారు. రూ.24 కోట్ల 91 లక్షల వ్యయంతో తొమ్మిది అంతస్తుల్లో ఇళ్లను నిర్మించామన్నారు. విడతల వారీగా లబ్ధిదారులకు ఇళ్లు అందజేస్తామని కేటీఆర్‌ చెప్పారు. 

కేసీఆర్‌ నాయకత్వంలో పాత, కొత్త నగరం అనే తేడా లేకుండా అభివృద్ధి చేస్తున్నామని కేటీఆర్‌ తెలిపారు. ‘‘రెండు పడక గదుల ఇళ్లు, పైవంతెన నిర్మాణాలు చాలా వరకు పూర్తి చేశాం. రూ.30 లక్షలకు పైగా విలువైన ఇళ్లను ఉచితంగా ఇస్తున్నాం. నాణ్యతలో రాజీ పడకుండా ఇళ్ల నిర్మాణం చేపట్టాం. హైదరాబాద్‌ పార్లమెంట్‌ పరిధిలో అభివృద్ధిపై సమీక్ష చేశాం. ప్రజలకు సౌకర్యాలు కల్పించడంలో ప్రభుత్వం వెనుకాడదు. ఉస్మానియా ఆస్పత్రి కొత్తది కట్టాలని స్థానిక నేతలు కోరారు. 70ఏళ్లలో కేవలం 3 ఆస్పత్రులు కట్టారు. రెండేళ్లలో మేం 4 టిమ్స్‌లు నిర్మించబోతున్నాం’’ అని కేటీఆర్‌ అన్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని