Pawan kalyan : పోలీసుల తీరుపై పవన్‌ ఆగ్రహం

తాజా వార్తలు

Updated : 02/10/2021 15:36 IST

Pawan kalyan : పోలీసుల తీరుపై పవన్‌ ఆగ్రహం

రాజమహేంద్రవరం : జనసేన అధినేత పవన్‌ కల్యాణ్‌ పర్యటన రాజమహేంద్రవరంలో కొనసాగుతోంది.రాష్ట్రంలోని రహదారుల దుస్థితిపై నిరసనలో భాగంగా రాజమహేంద్రవరంలోని హుకుంపేట-బాలాజీపేట రోడ్డులో పవన్‌ కల్యాణ్‌ కార్యకర్తలతో కలిసి శ్రమదానం చేయనున్నారు. ఈ కార్యక్రమంలో భాగంగా రాజమహేంద్రవరం విమనాశ్రయం చేరుకున్న పవన్‌కు అభిమానులు ఘన స్వాగతం పలికారు. అనంతరం ఆయన ర్యాలీగా బయలుదేరారు. నగరంలోని క్వారీ సెంటర్‌లో పోలీసుల తీరుపై పవన్‌ ఆగ్రహం వ్యక్తం చేశారు. ర్యాలీని అడ్డుకుంటున్నారని ధ్వజమెత్తారు. తన పర్యటనకు ఆటంకాలు సృష్టించొద్దని హెచ్చరించారు.

మరోవైపు విమానాశ్రయం నుంచి ర్యాలీగా వస్తోన్న పవన్‌కు.. దారి పొడవునా అభిమానులు, కార్యకర్తలు స్వాగతం పలుకుతున్నారు. వారికి అభివాదం చేస్తూ ఆయన ముందుకు సాగుతున్నారు. హుకుంపేట-బాలాజీపేట రోడ్డుపై శ్రమదానం అనంతరం పవన్‌ బహిరంగ సభలో మాట్లాడనున్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని