ఎన్నికల వేళ తృణమూల్‌ కొత్త నినాదం

తాజా వార్తలు

Updated : 21/02/2021 15:14 IST

ఎన్నికల వేళ తృణమూల్‌ కొత్త నినాదం

కోల్‌కతా: పశ్చిమ బెంగాల్‌ అసెంబ్లీ ఎన్నికలకు గడువు సమీపిస్తు్న్న వేళ అధికార తృణమూల్‌ కాంగ్రెస్‌ పార్టీ కొత్త పల్లవి అందుకుంది. ‘బంగ్లాకు సొంత కుమార్తె కావాలి’ అనే నినాదాన్ని ఆ పార్టీ శనివారం ప్రారంభించింది. ఓ వైపు తృణమూల్‌ పార్టీకి భాజపా నుంచి గట్టి పోటీ ఎదురవుతున్న నేపథ్యంలో స్థానికులు, బయటి వ్యక్తులు అన్న చర్చను ముందుపెట్టింది. మమతా బెనర్జీని బెంగాల్‌ కుమార్తెగా ఆ పార్టీ పేర్కొంది.

ఈ మేరకు కోల్‌కతా నగరవ్యాప్తంగా మమతా బెనర్జీ చిత్రం, నినాదంతో కూడిన హోర్డింగులు వెలిశాయి. కొన్ని ఏళ్లుగా బెంగాల్‌ కుమార్తె ఈ రాష్ట్రానికి ముఖ్యమంత్రిగా ఉన్నారని, బయటి వ్యక్తులకు ఆ అవకాశం ఇవ్వబోమని ఆ పార్టీ ప్రధాన కార్యదర్శి పార్థ ఛటర్జీ వెల్లడించారు. ‘ఎలక్షన్‌ టూరిజం’ కోసమే భాజపా నాయకులు రాష్ట్రానికి వస్తున్నారంటూ కొంతకాలంగా ఆ పార్టీ విమర్శిస్తున్న నేపథ్యంలో ఈ నినాదం అందుకోవడం గమనార్హం.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని