Uttarakhand: కొత్త సీఎంకు మ్యాప్‌ కష్టాలు!

తాజా వార్తలు

Published : 04/07/2021 16:25 IST

Uttarakhand: కొత్త సీఎంకు మ్యాప్‌ కష్టాలు!

ఇంటర్నెట్‌ డెస్క్‌: ఉత్తరాఖండ్‌ సీఎంగా బాధ్యతలు చేపట్టకముందే పుష్కర్‌ సింగ్‌ ధామీ వివాదంలో చిక్కుకున్నారు. ఆరేళ్ల క్రితం అఖండ్‌ భారత్ పేరిట ఆయన చేసిన ట్వీట్‌ ఇప్పుడు వైరల్‌గా మారింది. ఆ పటంలో ప్రస్తుత భారత భూభాగాలు లేకపోవడం వివాదానికి కారణమైంది. దీంతో ఆ ట్వీట్‌ను నెటిజన్లు ఇప్పుడు వైరల్‌ చేస్తున్నారు. సీఎంగా బాధ్యతలు చేపట్టిన కొద్దిరోజులకే చిరిగిన జీన్స్‌పై కామెంట్స్‌ చేసి సీఎం తీరథ్‌ సింగ్‌ రావత్‌ వివాదంలో చిక్కుకోగా.. పుష్కర సింగ్‌ ధామీకి అర్ధ పుష్కర కాలం నాటి మ్యాప్‌ చిక్కులు తెచ్చిపెట్టిందన్నమాట!

2015లో స్వాతంత్ర్య దినోత్సవం సందర్భంగా అఖండ్‌ భారత్‌ కల సాకారం కావాలని పేర్కొంటూ ఈ మ్యాప్‌ను పుష్కర్‌సింగ్‌ అప్పట్లో ట్వీట్‌ చేశారు. ఆ మ్యాప్‌లో భరతమాత మధ్యలో ఉండగా... ఇరుగుపొరుగు దేశాలు అందులో ఉన్నాయి. అయితే భారత్‌లో అంతర్భాగంగా ఉన్న లద్దాఖ్‌, పాక్‌ ఆక్రమిత కశ్మీర్‌ ప్రాంతాలు లేకపోవడంతో నెటిజన్లు ఆ ట్వీట్‌ను వైరల్‌ చేస్తూ విమర్శలు చేస్తున్నారు. కొత్త సీఎంపై మండిపడుతున్నారు. మరికొందరు మాత్రం సమర్థిస్తున్నారు. ఏదైతేనేం మొత్తానికి నిన్న మొన్నటి వరకు పెద్దగా పరిచయం లేని పుష్కర్‌ సింగ్‌ ఈ మ్యాప్‌ ద్వారా నెటిజన్లకు బాగానే పరిచయం అయ్యారన్నమాట!!


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని