Babul Supriyo: ‘ఎంపీ పదవిలో కొనసాగుతా’..  నిర్ణయం మార్చుకున్న బాబుల్‌ సుప్రియో

తాజా వార్తలు

Published : 03/08/2021 01:13 IST

Babul Supriyo: ‘ఎంపీ పదవిలో కొనసాగుతా’..  నిర్ణయం మార్చుకున్న బాబుల్‌ సుప్రియో

కోల్‌కతా: రాజకీయాల నుంచి శాశ్వతంగా తప్పుకోవడంతో పాటు ఎంపీ పదవికి సైతం రాజీనామా చేస్తున్నట్టు ఇటీవల సంచలన ప్రకటన చేసిన కేంద్ర మాజీ మంత్రి బాబుల్‌ సుప్రియో తన నిర్ణయం మార్చుకున్నారు. ఎంపీ పదవిలో కొనసాగుతానని సోమవారం ఆయన స్పష్టంచేశారు. భాజపా జాతీయ అధ్యక్షుడు జేపీ నడ్డాతో సమావేశం అనంతరం బాబుల్‌ ఈ వ్యాఖ్యలు చేయడం గమనార్హం. రాజకీయాల్లో క్రియాశీలంగా ఉండబోనన్న ఆయన.. రాజ్యాంగపరమైన బాధ్యతను మాత్రం నిర్వర్తిస్తానని తెలిపారు. తాను ఏ పార్టీలోనూ చేరనని తేల్చి చెప్పారు. దిల్లీలో ఎంపీ బంగ్లాను ఖాళీ చేస్తానని, భద్రతా సిబ్బందిని కూడా వెనక్కి ఇచ్చేయనున్నట్లు చెప్పారు.

బాబుల్‌ సుప్రియో పశ్చిమబెంగాల్‌లోని అసన్సోల్‌ నుంచి లోక్‌సభకు ప్రాతినిధ్యం వహిస్తున్న విషయం తెలిసిందే. 2014 నుంచి కేంద్రంలో వివిధ మంత్రిత్వశాఖలకు సహాయ మంత్రిగా బాధ్యతలు నిర్వహించిన ఆయన.. గత నెలలో మోదీ కేబినెట్‌ పునర్‌ వ్యవస్థీకరణలో మంత్రి పదవిని కోల్పోయారు. దీంతో అప్పట్నుంచి నిరుత్సాహంతో ఉంటూ వచ్చిన బాబుల్‌.. శనివారం తన ఫేస్‌బుక్‌ పేజీలో ఎమోషనల్‌ పోస్ట్‌ పెట్టారు. రాజకీయాల నుంచి పూర్తిగా వైదొలుగుతున్నట్టు ప్రకటించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని