నా జర్నీ ఇప్పుడే మొదలైంది..: సిద్ధూ 

తాజా వార్తలు

Published : 19/07/2021 18:39 IST

నా జర్నీ ఇప్పుడే మొదలైంది..: సిద్ధూ 

చండీగఢ్‌: తనను పంజాబ్‌ పీసీసీ చీఫ్‌గా నియమించిన పార్టీ అధిష్ఠానానికి మాజీ మంత్రి నవ్‌జోత్‌ సింగ్‌ సిద్ధూ కృతజ్ఞతలు తెలిపారు. పార్టీ బలోపేతానికి కృషి చేస్తానన్నారు. ఆదివారం రాత్రి ఆయన్ను పంజాబ్‌ కాంగ్రెస్‌ పార్టీ సారథిగా నియమిస్తూ సోనియా గాంధీ ప్రకటించిన విషయం తెలిసిందే. దీనిపై హర్షం వ్యక్తంచేస్తూ సిద్ధూ ట్వీట్‌ చేశారు. పంజాబ్‌లో కాంగ్రెస్‌ కోటను మరింత బలోపేతం చేస్తానన్నారు. తనపై నమ్మకం ఉంచి కీలక బాధ్యతలు అప్పగించిన కాంగ్రెస్‌ అధ్యక్షురాలు సోనియా గాంధీ, రాహుల్‌ గాంధీ, ప్రియాంక గాంధీలకు కృతజ్ఞతలు తెలిపారు. పంజాబ్‌లో మరోసారి అధికారంలోకి రావడమే లక్ష్యంగా కాంగ్రెస్‌ కుటుంబానికి చెందిన ప్రతిఒక్క సభ్యుడితోనూ కలిసి వినయపూర్వకంగా పనిచేస్తానన్నారు. పంజాబ్‌ మోడల్‌, హైకమాండ్‌ 18 పాయింట్ల అజెండా ద్వారా అధికారంలోకి వచ్చేందుకు కృషి చేస్తానన్నారు. నా ప్రయాణం ఇప్పుడే మొదలైంది.. అని ట్విటర్‌లో సిద్ధూ పేర్కొన్నారు. మరోవైపు, సిద్ధూను పీసీసీ చీఫ్‌గా నియమించడంతో పాటు మరో నలుగురు కార్యనిర్వాహక అధ్యక్షులను కూడా కాంగ్రెస్‌ నియమించిన విషయం తెలిసిందే.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని