గోల్నాక, న్యూస్‌టుడే: కేంద్రంలో బీసీ మంత్రిత్వ శాఖ ఏర్పాటుకు గుజ్జర్ల తరహా సాయుధ పోరాటం చేపడతామని బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య హెచ్చరించారు. నగర పరిధి ప్రధాన రహదారులన్నీ దిగ్బంధిస్తామని ప్రకటించారు. సోమవారం హైదరాబాద్‌లోని గోల్నాక శంకర్‌నగర్‌లో జరిగిన కార్యక్రమంలో ఆయన మాట్లాడారు. దేశ జనాభాలో 56 శాతం ఉన్న బీసీల అభివృద్ధికి ప్రత్యేక మంత్రిత్వ శాఖ ఏర్పాటులో కేంద్రం నిర్లక్ష్యంగా వ్యవహరిస్తోందని ఆయన విమర్శించారు. సమావేశంలో దూసరి లావణ్య, అమృత, టీఆర్‌ చందర్‌, డాక్టర్‌ సాయిచేతన్‌ తదితరులు పాల్గొన్నారు.