ఎమ్మెల్సీ స్థానానికి స్వతంత్ర అభ్యర్థిగా నామినేషన్‌

ఈనాడు, హైదరాబాద్‌-న్యూస్‌టుడే, పాలమూరు: టీపీసీసీ అధికార ప్రతినిధి జి.హర్షవర్ధన్‌రెడ్డి సోమవారం కాంగ్రెస్‌ పార్టీ ప్రాథమిక సభ్యత్వానికి రాజీనామా చేశారు. ఎమ్మెల్సీ టికెట్‌ ఆశించిన ఆయన.. కాంగ్రెస్‌ అభ్యర్థిగా చిన్నారెడ్డిని ప్రకటించడంతో అసంతృప్తి వ్యక్తంచేశారు. హైదరాబాద్‌-మహబూబ్‌నగర్‌-రంగారెడ్డి పట్టభద్రుల నియోజకవర్గ ఎమ్మెల్సీ స్థానానికి స్వతంత్ర అభ్యర్థిగా పోటీ చేస్తున్నానని, అందుకే పార్టీకి రాజీనామా చేస్తున్నట్లు ఆయన మహబూబ్‌నగర్‌లో ప్రకటించారు. అనంతరం హైదరాబాద్‌కు బయలుదేరి తన నామినేషన్‌ను దాఖలు చేశారు. హర్షవర్ధన్‌రెడ్డిని బుజ్జగించేందుకు కాంగ్రెస్‌ నేతలు చేసిన ప్రయత్నాలు ఫలించలేదు.