ఎమ్మార్పీఎస్‌ ఉద్యమంతోమానవహక్కుల దండోరా: మందకృష్ణ

ప్రధానాంశాలు

ఎమ్మార్పీఎస్‌ ఉద్యమంతోమానవహక్కుల దండోరా: మందకృష్ణ

ఈనాడు, హైదరాబాద్‌: దళితుల వర్గీకరణం కోసం మాదిగ రిజర్వేషన్‌ పోరాట సమితి గత 27 ఏళ్లుగా కొనసాగిస్తున్న ఉద్యమం మానవ హక్కుల దండోరాగా గుర్తింపు పొందిందని ఎమ్మార్పీఎస్‌ వ్యవస్థాపక అధ్యక్షుడు మందకృష్ణ మాదిగ అన్నారు. రచయిత, విమర్శకుడు డప్పోల్ల రమేశ్‌ సంపాదకత్వంలో వెలువడిన అక్షర దండోరా పుస్తకాన్ని మందకృష్ణ బుధవారం హైదరాబాద్‌ విద్యానగర్‌లో ఆవిష్కరించారు. ఈ కార్యక్రమంలో రచయిత రమేశ్‌, ప్రొఫెసర్‌ ముత్తయ్య, ఎమ్మార్పీఎస్‌ జాతీయ నాయకులు రాజు, ఎల్లయ్య, సూరన్న, ఎంఎస్‌ఎఫ్‌ రాష్ట్ర అధ్యక్షులు గోవిందు నరేష్‌ మాదిగ తదితరులు పాల్గొన్నారు. ఈ సందర్భంగా మందకృష్ణ మాట్లాడుతూ..ఎస్సీ వర్గీకరణ ఉద్యమ చరిత్ర మూలాలు, మాదిగ ఉప కులాల ఆకాంక్ష, అవేదనను రచయిత పుస్తకంలో కళ్లకుకట్టారని తెలిపారు. తక్షణమే పార్లమెంటులో ఎస్సీ వర్గీకరణ బిల్లును ప్రవేశపెట్టి అమోదించాలని కేంద్ర ప్రభుత్వాన్ని డిమాండ్‌ చేశారు.

Advertisement


Tags :

ప్రధానాంశాలు

జిల్లా వార్తలు

దేవతార్చన


మరిన్ని