సిటీ రైడింగ్‌కి.. అనువైనదేది?

మెకానిక్‌ గురూ

*నేను 150సీసీ-160సీసీ ద్విచక్రవాహనం కొనాలనుకుంటున్నాను. ఎక్కువగా సిటీలో ప్రయాణిస్తాను. నా మొదటి ప్రాధాన్యం మంచి మైలేజీ. నిర్వహణ వ్యయం తక్కువగా ఉండాలి. విడిభాగాలు తేలికగా దొరకాలి. ఆ బండిని ఐదేళ్లకన్నా ఎక్కువ కాలం వాడాలనుకుంటున్నాను. అదేవిధంగా బీఎస్‌-4, బీఎస్‌-6లలో ఏ రకం తీసుకొమ్మంటారు?
- పడాల అమర్‌చంద్రారెడ్డి, ఈమెయిల్‌
మంచి మైలేజీ, నిర్వహణ వ్యయం తక్కువగా ఉండటం, నాణ్యమైన బాడీ, రీసేల్‌ ధర బాగుండాలి.. ఇవన్నీ మీరు కోరుకుంటున్నారు. వీటన్నింటి దృష్ట్యా హోండా హార్నెట్‌, యమహా ఎఫ్‌జడ్‌ఎస్‌లలో దేన్నైనా ఎంచుకోవచ్చు. హోండా ఎక్స్‌-బ్లేడ్‌, సుజుకీ జిక్సర్‌ సైతం పరిశీలించవచ్చు. మంచి రీసేల్‌ ధర కావాలనుకుంటే ఈ విభాగంలో మార్కెట్‌ లీడర్‌గా ఉన్న యూనికార్న్‌ తీసుకోవచ్చు. ఇంజిన్‌ దీర్ఘకాలిక మన్నిక, అత్యధిక మైలేజీ అనే విషయాలు బండి నడిపే విధానంపై ఆధారపడి ఉంటాయి. బీఎస్‌-6 ప్రమాణాలతో వచ్చిన మోటార్‌సైకిల్‌ తీసుకుంటేనే బాగుంటుంది. భవిష్యత్తులో దానికి మంచి రీసేల్‌ ధర పలుకుతుంది. విడిభాగాలు తేలికగా దొరుకుతాయి.
*మాది నలుగురు సభ్యుల కుటుంబం. మాకు సరిపోయే విధంగా ఆటోమేటిక్‌ గేర్‌ కారు కొనాలనుకుంటున్నాను. దాన్ని తక్కువగానే ఉపయోగిస్తుంటాము. తక్కువ ధరలో ఏది మంచిదో తెలియజేయగలరు.
- జె.ఉదయ్‌కిరణ్‌, ఈమెయిల్‌
నలుగురు సభ్యులున్న కుటుంబానికి అందుబాటు ధరలో ఆటోమేటిక్‌ కారు కావాలనుకుంటే ఆటో గేర్‌ షిఫ్ట్‌ మోడల్‌ను ఎంచుకుంటే మేలు. డాట్సన్‌ రెడి-గో, మారుతిసుజుకీ ఆల్టో 800, సుజుకీ సెలేరియో, రెనాల్ట్‌ క్విడ్‌, టాటా టియాగోలు.. రూ.నాలుగైదు లక్షల్లో అందుబాటులో ఉన్న తక్కువ ధర కార్లు. ఇందులో నమ్మకమైన టెక్నాలజీ, అత్యధిక డీలర్‌ నెట్‌వర్క్‌తో ఉన్న మారుతీ ముందుంది. తక్కువ ధరలో అయితే ఆల్టో 800 ఇంకో లక్ష రూపాయలు భరించగలనంటే సెలేరియో ఎంచుకోవచ్చు. డాట్సన్‌ రెడి-గో, రెనాల్ట్‌ క్విడ్‌లు అవార్డు గెల్చుకున్న మోడళ్లు. టియాగో ఉత్తమమైన డిజైన్‌తో ఎస్‌యూవీ రూపంతో ఆకట్టుకునేలా ఉంటుంది.
- హర్షిన్‌ లాల్‌పేట్‌, ఆటోమొబైల్‌ నిపుణుడు

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు