Latest Telugu News, Headlines

మెకానిక్‌ గురూ

వాహన సురక్ష

రీయింబర్స్‌మెంట్‌ ఇలా

* నా కారుకి బీమా చేయించాను. కానీ ఒకవేళ కారు ఏదైనా ప్రమాదానికి గురైనపుడు నేను సొంతంగా మరమ్మతులు చేయించుకొని రీయింబర్స్‌మెంట్‌ కోసం అడిగితే బీమా కంపెనీలు రకరకాల కొర్రీలు పెడతాయంటున్నారు. ఇది నిజమేనా? అసలు రీయింబర్స్‌మెంట్‌ ప్రక్రియ ఎలా పూర్తి చేయాలి?

- దినేశ్‌, గుంటూరు

ఇది అపోహే. వాహనం ప్రమాదానికి గురైనపుడు బీమా ప్రతినిధి ప్రమాద తీవ్రత, బీమా చెల్లించాల్సిన మొత్తం ఎంతో అంచనా వేసి ఒక నివేదిక సిద్ధం చేస్తాడు. దానిప్రకారమే తర్వాత ప్రక్రియ కొనసాగుతుంది. కారు, బైక్‌, ఇతర వాహనం.. ఏ బీమా పాలసీకైనా ఇదే సూత్రం వర్తిస్తుంది. ఇక ప్రతి వాహనానికీ కాలం గడిచేకొద్దీ విలువ తరుగుదల (డిప్రిషియేషన్‌) ఉంటుంది. ప్లాస్టిక్‌ విడిభాగాలు, అద్దాలు.. ఇలాంటి కొన్నింటికి బీమానే వర్తించదు. కొన్నింటి విలువను తగ్గిస్తారు. ఉదాహరణకు వంద రూపాయలు విలువ ఉన్నవాటికి యాభై, అరవై రూపాయలే లెక్కగడతారు. ఇవన్నీ చూశాకే రీయింబర్స్‌మెంట్‌ మొత్తం ఎంతో పరిగణనలోకి తీసుకుంటారు. మనం సమర్పించాల్సిన డాక్యుమెంట్స్‌లో ఏవైనా తేడాలున్నా మళ్లీమళ్లీ అడుగుతారు. ఈ నిబంధనలన్నీ పాలసీలోనే స్పష్టంగా చెబుతారు. ఇందులో ఎలాంటి వివాదం ఉండదు. ఎలాంటి కొర్రీలు లేకుండా రీయింబర్స్‌మెంట్‌ త్వరగా పూర్తవ్వాలంటే...

* క్లెయింఫారంలో వివరాలన్నీ సరిగ్గా పూర్తి చేయాలి.
* ప్రమాద సమయంలో వాహనాన్ని నడిపిన వ్యక్తి డ్రైవింగ్‌ లైసెన్స్‌ వివరాలు పొందుపరచాలి.
* పోలీసులు ఇచ్చిన ఎఫ్‌ఐఆర్‌ కాపీ జత చేయాలి.

* తాగి వాహనం నడపడం, రేసింగ్‌లకు వాడటం, అద్దెకు తిప్పడం.. ఇలాంటి వయలేషన్‌ ఆఫ్‌ పాలసీ ఉంటే బీమా నష్టపరిహారానికి అనర్హులవుతారు.
* మరమ్మతు చేయించిన గ్యారేజీ, డీలర్‌ నుంచి ప్రతి పార్ట్‌కి సంబంధించిన బిల్లు జత పరచాలి.

* అన్ని వివరాలు సక్రమంగా ఉంటే వారంరోజుల్లో ప్రక్రియ పూర్తై మన బీమా డబ్బులు చేతికందుతాయి. అయినా బీమా సంస్థ ఏదైనా కొర్రీలు పెడితే న్యాయస్థానాన్ని ఆశ్రయించవచ్చు.

- నరేష్‌ బైరపనేని, అడ్వోకేట్‌, బీమారంగ నిపుణులు

Tags :

Vehicle Safety

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి

మెకానిక్‌ గురూ

మరిన్ని

దేవ‌తార్చ‌న

రుచులు