వైద్య బీమా.. టాపప్‌ చేయించండి!

షేర్లు - ఫండ్లు

వైద్య బీమా.. టాపప్‌ చేయించండి!

నేను ప్రభుత్వ ఉద్యోగిని. వైద్య ఖర్చులను చాలా వరకూ ప్రభుత్వమే భరిస్తుంది. అయినప్పటికీ నాకు ఆరోగ్య బీమా పాలసీ అవసరమా? నా భార్య గృహిణి. మాకు ఇద్దరు పిల్లలు. మాకందరికీ కలిసి రూ.3లక్షల వరకూ ఫ్యామిలీ ఫ్లోటర్‌ పాలసీ అందుతోంది. దీనికి అదనంగా మరో పాలసీ తీసుకోవాలా?

- రమేశ్‌

మీరు మీ పాలసీకి అనుబంధంగా ఒక టాపప్‌ హెల్త్‌ ఇన్సూరెన్స్‌ తీసుకోండి. ఇది కనీసం రూ.10లక్షల వరకూ ఉండేలా చూసుకోండి. మొత్తం కుటుంబానికి వర్తించేలా ఇది ఉండాలి. ప్రస్తుతం ఉన్న పరిస్థితుల్లో రూ.3లక్షల వైద్య బీమా సరిపోదనే చెప్పాలి. కాబట్టి, టాపప్‌ పాలసీలు తీసుకోవడమే మార్గం. ఇవి తక్కువ ప్రీమియానికే లభిస్తాయి. మీ ప్రాథమిక పాలసీలో ఉన్న మొత్తం పూర్తయితే.. వీటిని ఉపయోగించుకోవచ్ఛు ●

నేను బ్యాలెన్స్‌డ్‌ ఫండ్లలోని డివిడెండ్‌ ఆప్షన్‌లో మదుపు చేస్తూ వస్తున్నాను. వచ్చే ఆర్థిక సంవత్సరం నుంచి డివిడెండ్‌ రాబడిని మొత్తం ఆదాయంతో కలిపి చూపించాలి కదా. ఇప్పుడు నేను ఏం చేయాలి?

- భాస్కర్‌

వచ్చే ఆర్థిక సంవత్సరం నుంచి ఈక్విటీ/హైబ్రీడ్‌ మ్యూచువల్‌ ఫండ్ల నుంచి వచ్చిన డివిడెండ్‌ రాబడిని మొత్తం ఆదాయంలో కలిపి చూపించాలి. ఆ తర్వాత వర్తించే శ్లాబుల ఆధారంగా పన్ను చెల్లించాల్సి వస్తుంది. మీకు అధిక మొత్తంలో డివిడెండ్‌ వస్తుంటే.. గ్రోత్‌ ఆప్షన్‌లోకి మారిపోండి. దీనికోసం క్రమానుగత బదిలీ విధానాన్ని ఎంచుకోండి. ఈక్విటీ పెట్టుబడులపై ఏడాదికి రూ.లక్షకు మించి లాభం వస్తే.. ఆ అధిక మొత్తంపై 10శాతం క్యాపిటల్‌ గెయిన్స్‌ పన్ను చెల్లించాల్సి వస్తుంది.

- సాయికృష్ణ పత్రి, సర్టిఫైడ్‌ ఫైనాన్షియల్‌ ప్లానర్‌

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

షేర్లు - ఫండ్లు

మరిన్ని

రుచులు

App