అందుబాటు ధరలో మదుపు...

షేర్లు - ఫండ్లు

అందుబాటు ధరలో మదుపు...

కొన్నిసార్లు నాణ్యమైన కంపెనీల షేర్లు అందుబాటు ధరల్లోకి వస్తుంటాయి. పరిస్థితులన్నీ మెరుగవగానే వాటి విలువ ఒక్కసారిగా పెరుగుతుంది. ఇలాంటి కంపెనీలను గుర్తించి, మదుపు చేయడం ద్వారా మదుపరులకు లాభాలను పంచే వ్యూహంతో వచ్చిన ఫండ్‌.. డీఎస్‌పీ వాల్యూ ఫండ్‌. దీన్ని డీఎస్‌పీ ఇన్వెస్ట్‌మెంట్‌ మేనేజర్స్‌ మార్కెట్లోకి తీసుకొచ్చింది. విలువ తక్కువగా ఉన్నప్పుడే పెట్టుబడులు పెట్టాలనుకునే మదుపరులకు ఇది సరిపోతుంది. ఈ పథకం 35శాతం వరకూ పెట్టుబడులను అంతర్జాతీయ ఈక్విటీలకూ కేటాయిస్తుంది. ఈ ఓపెన్‌ ఎండెడ్‌ ఫండ్‌ ఎన్‌ఎఫ్‌ఓ డిసెంబరు 4 వరకూ కొనసాగుతుంది. మార్కెట్లోని వివిధ దశల్లో నష్టభయాలను పరిమితం చేసుకుంటూ ఇది వ్యూహాత్మకంగా పెట్టుబడులు పెడుతుంది. వృద్ధి చెందే షేర్లతోపాటు, అందుబాటు ధరలకు వచ్చిన షేర్లనూ ఇది ఎంచుకుంటుంది. నిఫ్టీ 500 ప్రామాణికంగా, 65 శాతం పెట్టుబడులను భారతీయ కంపెనీలకు కేటాయిస్తుంది. వడ్డీ రేట్లు తక్కువగా ఉన్న ప్రస్తుత తరుణంలో మంచి కంపెనీలు అందుబాటు ధరల్లోకి రావడం అరుదుగానే జరుగుతుంది. ఇలాంటి కంపెనీలను వెదికి పట్టుకొని, మదుపు చేయడం కొంచెం కష్టమైన పనే. దీర్ఘకాలిక వ్యూహంతో.. కాస్త నష్టభయం భరించే శక్తి ఉన్నవారు ఈ ఫండ్‌ను పరిశీలించవచ్చు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

షేర్లు - ఫండ్లు

మరిన్ని

రుచులు

App