పెట్టుబడి శాస్త్రీయంగా...

షేర్లు - ఫండ్లు

పెట్టుబడి శాస్త్రీయంగా...

‘క్వాంటిటేటివ్‌ మోడల్‌’ ఆధారంగా పెట్టుబడి అవకాశాలను ఎంచుకునే ఒక ఈక్విటీ మ్యూచువల్‌ ఫండ్‌ పథకాన్ని ఐసీఐసీఐ ప్రుడెన్షియల్‌ మ్యూచువల్‌ ఫండ్‌ ఆవిష్కరించింది. ‘ఐసీఐసీఐ ప్రుడెన్షియల్‌ క్వాంట్‌ ఫండ్‌’ అనే పేరుతో తీసుకువచ్చిన ఈ కొత్త పథకం ఎన్‌ఎఫ్‌ఓకి చివరి తేదీ వచ్చే నెల 7. ఇది ఓపెన్‌ ఎండెడ్‌ పథకం. దీని కింద సేకరించిన నిధులను 95 శాతం వరకూ ఈక్విటీ పత్రాల్లోనే పెట్టుబడిగా పెడతారు. రుణపత్రాల్లో పెట్టుబడికి 5 శాతం కేటాయిస్తారు. ‘ఎస్‌అండ్‌పీ బీఎస్‌ఈ 200’ ఇండెక్స్‌తో ఈ పథకం పనితీరును పోల్చి చూస్తారు. ఫండ్‌ మేనేజర్లలో సహజంగా ఉండే ‘బిహేవియరల్‌ బయాస్‌’ మ్యూచువల్‌ ఫండ్‌ పథకం పనితీరుపై ప్రభావం చూపుతుంది. దానికి పూర్తి భిన్నంగా కేవలం ‘క్వాంటిటేటివ్‌ మోడల్‌’ ఆధారంగా శాస్త్రీయమైన పద్ధతిలో పెట్టుబడులను ఎంచుకునే పక్షంలో రిస్కు తక్కువగా ఉండటమే కాకుండా, అధిక ప్రతిఫలాన్ని ఆర్జించేందుకు అవకాశం ఉంటుందనేది కొందరు ‘ఇన్వెస్ట్‌మెంట్‌ మేనేజర్ల’ విశ్వానం. ఈ పద్ధతిని అనుసరించేదే ఐసీఐసీఐ ప్రుడెన్షియల్‌ క్వాంట్‌ ఫండ్‌. ఈ మోడల్‌పై విశ్వాసం ఉన్న మదుపరులు ఈ ఫండ్‌పై పెట్టుబడి పెట్టే అంశాన్ని పరిశీలించవచ్చు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

షేర్లు - ఫండ్లు

మరిన్ని

రుచులు

App