నష్టభయం తక్కువగా..

షేర్లు - ఫండ్లు

నష్టభయం తక్కువగా..

ఇన్వెస్ట్‌మెంట్‌ ట్రస్ట్‌ ఆఫ్‌ ఇండియా లిమిటెడ్‌, ఫార్చూన్‌ క్రెడిట్‌ కేపిటల్‌ లిమిటెడ్‌ సంయుక్తంగా ఏర్పాటు చేసిన ఐటీఐ మ్యూచువల్‌ ఫండ్‌ కొత్తగా ఒక లార్జ్‌ క్యాప్‌ ఫండ్‌ను ఆవిష్కరించింది. ఈ ‘ఐటీఐ లార్జ్‌ క్యాప్‌ ఫండ్‌’ ఈ పథకం ఎన్‌ఎఫ్‌ఓ (న్యూ ఫండ్‌ ఆఫర్‌) ముగింపు తేదీ ఈ నెల 18. ఓపెన్‌ ఎండెడ్‌ ఫండ్‌ అయినందున తిరిగి ఈ ఫండ్‌లో క్రయవిక్రయాలు ఈ నెల 31 నుంచి ప్రారంభం అవుతాయి. ఈ ఫండ్‌ సేకరించే నిధులను ప్రధానంగా లార్జ్‌ క్యాప్‌ ఈక్విటీ షేర్లలో 80 శాతం నుంచి 100 శాతం వరకూ పెట్టుబడి పెడతారు. ఇతర ఈక్విటీ, డెట్‌ లేదా మనీ మార్కెట్‌ పత్రాల్లో 20 శాతం వరకూ పెట్టుబడి పెట్టే అవకాశం ఉంది. ఈ పథకం పనితీరును ‘నిఫ్టీ 100 టిఆర్‌ఐ ఇండెక్స్‌’ తో పోల్చి చూస్తారు. ఈ పథకానికి జార్జ్‌ జోసెఫ్‌, ప్రదీప్‌ గోఘలే ఫండ్‌ మేనేజర్లుగా వ్యవహరిస్తారు. ఎన్‌ఎఫ్‌ఓ కనీస పెట్టుబడి రూ.5,000. రెగ్యులర్‌/ డైరెక్ట్‌ ప్లాన్‌, గ్రోత్‌/ డివిడెండ్‌ ఆప్షన్లు ఉన్నాయి. లార్జ్‌ క్యాప్‌ ఫండ్లలో సాధారణంగా రిస్క్‌ తక్కువగా ఉంటుంది. అదే సమయంలో లాభాలు కూడా మరీ అధికంగా ఉండవు. తక్కువ రిస్కుతో ఒక మోస్తరు లాభాలతో సంతృప్తి పడి దీర్ఘకాలం పాటు తమ పెట్టుబడులను కొనసాగించగలిగే మదుపరులకు లార్జ్‌ క్యాప్‌ ఫండ్లు అనువైనవి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

షేర్లు - ఫండ్లు

మరిన్ని

రుచులు

App