ఈక్విటీల్లో పొదుపు కోసం...

షేర్లు - ఫండ్లు

ఈక్విటీల్లో పొదుపు కోసం...

ఈక్విటీ, ఈక్విటీ ఆధారిత పథకాలతోపాటు, అవసరాన్ని బట్టి డెట్‌ పథకాల్లోనూ మదుపు చేసే వ్యూహంతో వచ్చిన ఫండ్‌.. బరోడా ఈక్విటీ సేవింగ్స్‌ ఫండ్‌. హైబ్రీడ్‌ విభాగానికి చెందిన ఈక్విటీ సేవింగ్స్‌ ఓపెన్‌ ఎండెడ్‌ పథకం ఇది. జులై 16 వరకూ ఎన్‌ఎఫ్‌ఓ అందుబాటులో ఉంది. కనీస పెట్టుబడి రూ.5,000. సిప్‌ చేయాలనుకునే వారు రూ.1,000తో ప్రారంభించవచ్చు. గ్రోత్‌, డివిడెండ్‌ ఆప్షన్లతో అందుబాటులో ఉంది. ఏడాదిలోపు యూనిట్లను విక్రయిస్తే 1శాతం రుసుము వర్తిస్తుంది.

మిడ్‌క్యాప్‌లలో..: మిడ్‌ క్యాప్‌ సంస్థలకు సంబంధించిన ఈక్విటీలు, ఈక్విటీ ఆధారిత సెక్యూరిటీల్లో మదుపు చేసి, దీర్ఘకాలంలో పెట్టుబడి వృద్ధికి తోడ్పడేలా వచ్చిన ఫండ్‌ మిరే అసెట్‌ మిడ్‌ క్యాప్‌ ఫండ్‌. సమయానుకూలంగా ఫండ్‌ మేనేజర్లు ఇతర విభాగాల ఈక్విటీలనూ పరిశీలించేందుకు అవకాశం ఉంది. ఈక్విటీ స్కీం- మిడ్‌ క్యాప్‌ ఫండ్‌ ఇది. ఇది ఓపెన్‌ ఎండెడ్‌ పథకం. కనీస పెట్టుబడి రూ.5,000. ఏడాదిలోపు పెట్టుబడిని వెనక్కి తీసుకోవాలనుకుంటే..1శాతం అమ్మకపు రుసుము వర్తిస్తుంది. రూ.1,000తో సిప్‌ ప్రారంభించవచ్చు. ఎన్‌ఎఫ్‌ఓ జులై 22 వరకూ అందుబాటులో ఉంటుంది.

పన్ను ఆదా కోసం...: ఈక్విటీ ఆధారిత పొదుపు పథకం (ఈఎల్‌ఎస్‌ఎస్‌)లో మదుపు చేయడం ద్వారా పన్ను ఆదా చేసుకోవాలనే వారికోసం కొత్త పథకం అందుబాటులోకి వచ్చింది. ఈ పరాగ్‌ పారిఖ్‌ ట్యాక్స్‌ సేవర్‌ ఫండ్‌లో రూ.500లతో పెట్టుబడి ప్రారంభించవచ్చు. ఎన్‌ఎఫ్‌ఓ చివరి తేదీ జులై 18.

పెట్టుబడికి నష్టం లేకుండా..: ప్రభుత్వ సెక్యూరిటీలు, ప్రభుత్వ రంగ సంస్థలు, కార్పొరేట్‌ బాండ్ల వంటి డెట్‌ పథకాల్లో మదుపు చేయడం ద్వారా పెట్టుబడి సురక్షితంగా ఉండేలా చూసే పథకం ఎస్‌బీఐ ఫిక్స్‌డ్‌ మెచ్యూరిటీ ప్లాన్‌, సిరీస్‌ 12. ఇందులో కనీస పెట్టుబడి రూ.5,000. క్లోజ్‌ ఎండెడ్‌ ఇన్‌కం విభాగానికి చెందిన ఈ పథకంలో జులై 15 వరకూ మదుపు చేయవచ్చు. పెట్టుబడిని 1179 రోజులపాటు కొనసాగించాల్సి ఉంటుంది.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

షేర్లు - ఫండ్లు

మరిన్ని

రుచులు

App