ఏటీపీ ఫైనల్స్‌ విజేత మెద్వెదెవ్‌

తాజా వార్తలు

Updated : 23/11/2020 13:50 IST

ఏటీపీ ఫైనల్స్‌ విజేత మెద్వెదెవ్‌

ఇంటర్నెట్‌డెస్క్‌: ఏటీపీ ఫైనల్స్‌లో డానియల్‌ మెద్వెదెవ్‌ తొలిసారి టైటిల్‌ సాధించాడు. సెమీస్‌లో ప్రపంచ నంబర్‌ 2 ఆటగాడు రఫెల్‌ నాదల్‌ను ఓడించిన అతడు తుదిపోరులో డొమినిక్‌ థీమ్‌ను ఓడించాడు. దీంతో కెరీర్‌లో తొలిసారి ఆ కప్పును సాధించాడు. నువ్వా.. నేనా అన్నట్లు సాగిన మ్యాచ్‌లో మెద్వెదెవ్‌ తొలి సెట్‌లో వెనుకంజలో పడ్డాడు. అయితే తర్వాతి రెండు సెట్లలో పుంజుకోవడంతో 4-6, 7-6, 6-4 తేడాతో గెలుపొందాడు. 

ఈ విజయంతో మెద్వెదెవ్‌ ఏటీపీ ఫైనల్స్‌ టోర్నీలో టాప్‌ మూడు ర్యాంకుల ఆటగాళ్లను ఓడించిన నాలుగో ఆటగాడిగా రికార్డు నెలకొల్పాడు. అంతకు ముందు డేవిడ్‌ నాల్బాండియన్‌ (2007 మ్యాడ్రిడ్‌), నోవాక్‌ జకోవిచ్‌ (2007 మాంట్రియల్‌), బోరిస్‌ బెకర్‌ (1994 స్టాక్‌హోమ్‌) ఈ ఘనత సాధించారు. ‘ఈ విజయం సాధించడం గొప్పగా ఉంది. గ్రూప్‌ స్టేజ్‌లో జకోవిచ్‌ను, సెమీస్‌లో రఫెల్‌ను, ఇప్పుడు డొమినిక్‌ను ఓడించడం సంతోషంగా ఉంది. వీళ్లంతా టెన్నిస్‌ ప్రపంచంలో టాప్‌ ఆటగాళ్లు. నేనేంటో ఈ గెలుపుతో నిరూపితమైంది’ అని మెద్వెదెవ్‌ మ్యాచ్‌ అనంతరం పేర్కొన్నాడు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని