close

తాజా వార్తలు

Updated : 30/11/2020 11:28 IST
Facebook Share Twitter Share WhatsApp Share Telegram Share

విరాట్‌ కోహ్లీకి కెప్టెన్సీ భారం కాదు

ఇంటర్నెట్‌డెస్క్‌: టీమ్‌ఇండియా సారథి విరాట్ కోహ్లీకి కెప్టెన్సీ భారం కాదని, అతడు సవాళ్లను ఎదుర్కోవడానికే ఇష్టపడతాడని వెటరన్ స్పిన్నర్‌ హర్భజన్‌ సింగ్ అన్నాడు. తాజాగా భారత్‌ రెండో వన్డేలోనూ చిత్తవ్వడంతో కోహ్లీ కెప్టెన్సీపై అనేక విమర్శలు వస్తున్నాయి. ఈ నేపథ్యంలోనే ఆదివారం మ్యాచ్‌ అనంతరం ఇండియా టుడేతో మాట్లాడిన భజ్జీ.. కోహ్లీకి సారథ్యం వహించడం భారం కాదని, కెప్టెన్‌గా అతడెలాంటి ఒత్తిడికి గురవడం లేదని పేర్కొన్నాడు. కోహ్లీ నాయకుడని, ముందుండి జట్టును నడిపిస్తాడని, ఇతరులకు ప్రేరణగా నిలుస్తాడని చెప్పాడు. 

గతేడాది వన్డే ప్రపంచకప్‌ తర్వాత కూడా తాను ఇదే విషయం చెప్పానని, కోహ్లీ ఒక్కడే మ్యాచ్‌లు గెలిపించలేడని సీనియర్‌ స్పిన్నర్‌ పేర్కొన్నాడు. రోహిత్‌, విరాట్‌ ఇద్దరే ఎక్కువ పరుగులు చేస్తున్నారని, రాహుల్‌ బాగా ఆడుతున్నా మిగిలిన ఆటగాళ్లు కూడా నిలకడగా పరుగులు చేయాల్సిన అవసరం ఉందన్నాడు. అలా జరిగితే కెప్టెన్‌ మీద భారం తగ్గుతుందని తెలిపాడు. దాంతో అతడు స్వేచ్ఛగా ఆడగలుగుతాడని ఆశాభావం వ్యక్తం చేశాడు. ఇక ఆస్ట్రేలియాలో ఘోరంగా విఫలమవుతున్న చాహల్‌ బౌలింగ్‌పై స్పందించిన భజ్జీ.. అతడి విషయంలో ఎలాంటి తప్పులేదన్నాడు. ఐపీఎల్‌లో అతడు చెలరేగడానికి పిచ్‌లే కారణమని, యూఏఈతో పోలిస్తే ఆస్ట్రేలియాలో అవి పూర్తి భిన్నంగా ఉంటాయన్నాడు. అందువల్లే చాహల్‌ వికెట్లు తీయలేకపోతున్నాడని పేర్కొన్నాడు. కోహ్లీ చెప్పినట్లు కంగారూ ఆటగాళ్లకు తమ మైదానాలపై పూర్తి అవగాహన ఉందని, ఆ పరిస్థితులను వారు సద్వినియోగం చేసుకుంటున్నారని వివరించాడు. చాహల్‌ రాణించాలంటే బంతిని కాస్త నెమ్మదిగా వదలాలని, దాంతో అది కొంచెం టర్న్‌ తీసుకుంటుందని సూచన చేశాడు. 


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

మరిన్ని

దేవతార్చన