close
Array ( [0] => stdClass Object ( [video_news_id] => 120085434 [video_srlno] => 1 [video_type] => 3 [video_link] => 1025976764152127488 [video_short_link] => 1025976764152127488 [created_by] => [created_date] => [modified_by] => 9820033 [modified_date] => 2020-07-14 16:20:41.490438 [display_status] => 1 [video_isdeleted] => ) ) 1

తాజా వార్తలు

Published : 14/07/2020 17:52 IST
Facebook Share Twitter Share WhatsApp Share Telegram Share

సోహేల్‌ రెచ్చగొట్టడంతో తర్వాతి బంతికే.. 

1996 భారత్‌-పాక్‌ ప్రపంచకప్‌ మ్యాచ్‌పై వెంకటేశ్‌ ప్రసాద్‌

ఇంటర్నెట్‌డెస్క్‌: టీమ్‌ఇండియా మాజీ పేసర్‌ వెంకటేశ్‌ ప్రసాద్‌ 1996 ప్రపంచకప్‌లో బెంగళూరులో పాకిస్థాన్‌తో జరిగిన క్వార్టర్‌ ఫైనల్‌ మ్యాచ్‌ను గుర్తు చేసుకున్నాడు. తాజాగా రవిచంద్రన్‌ అశ్విన్‌తో ఓ ఆన్‌లైన్‌ కార్యక్రమంలో ముచ్చటించిన ప్రసాద్‌ పాకిస్థాన్‌ మాజీ సారథి ఆమిర్‌ సోహేల్‌తో జరిగిన వివాదాస్పద స్లెడ్జింగ్‌ గురించి వివరించాడు. ఆ మ్యాచ్‌లో తమ ఇద్దరి మధ్యా మాటల యుద్ధం జరిగిందని, సోహేల్‌ తన బౌలింగ్‌లో బౌండరీ కొట్టిన మరుసటి బంతికే అతడిని ఔట్‌ చేశానని చెప్పాడు. పాకిస్థాన్‌ బ్యాట్స్‌మెన్‌ ఎవరైనా టీమ్‌ఇండియా బౌలర్లపై చెలరేగడం తనకు నచ్చదని, అలాంటి సమయంలో తాను ప్రశాంతంగా ఉండడం చాలా కష్టమని చెప్పాడు.  

‘అది నిజంగా చెంపపెట్టులాంటి సంఘటన. 15వ ఓవర్‌లో నేను బౌలింగ్‌ చేస్తుండగా సోహేల్‌ ఎక్స్‌ట్రా కవర్‌ దిశగా ఒక బౌండరీ బాదాడు. నేనా షాట్‌ను ఊహించలేదు. అదెంతో ఒత్తిడిలో జరుగుతున్న కీలకమైన మ్యాచ్‌. అతడు ఫోర్‌ కొట్టాక బ్యాట్‌ను బౌండరీ వైపు చూపించి చేతి వేళ్లతో సైగలు చేశాడు. తర్వాతి బంతికి ఇంకో ఫోర్‌ కొడతానని చెప్పాడు. ఆ మాటలు నాకు వినిపించడంతో ఇద్దరి మధ్యా మాటలు పెరిగాయి. అప్పుడు నా మదిలో ఎన్నో ఆలోచనలు మొదలయ్యాయి. నామీద ఏ బ్యాట్స్‌మన్‌ ఆధిపత్యం చెలాయించినా నాకు నచ్చదు. నా మనస్తత్వం అలాంటిది. ఎవరైనా అలా చేస్తే వెంటనే వారికి తిరిగివ్వాలనుకునేవాడిని’ అని ప్రసాద్‌ నాటి స్లెడ్జింగ్‌ను గుర్తుచేసుకున్నాడు.  

‘అప్పుడే అతడిని ఔట్‌ చేయాలని నిర్ణయించుకున్నా. దాంతో బ్యాట్స్‌మన్‌కు బంతి అందకుండా వికెట్ టు వికెట్‌ వేయాలనుకున్నా. నా కోపాన్ని అదుపులో ఉంచుకొని అలాగే చేశా. తర్వాతి బంతికే సోహేల్‌ బౌల్డయ్యాడు’ అని మాజీ పేసర్‌ వివరించాడు.  ఆ మ్యాచ్‌లో తొలుత బ్యాటింగ్‌ చేసిన టీమ్‌ఇండియా పాకిస్థాన్‌ ముందు 288 పరుగుల భారీ లక్ష్యాన్ని నిర్దేశించింది. నవ్‌జోత్‌ సింగ్‌ సిద్ధూ 93 పరుగులతో ఆకట్టుకున్నాడు. ఛేదనలో పాక్‌ ధాటిగా ఆరంభించిడంతో ఆ జట్టు తేలిగ్గా గెలిచేలా అనిపించింది. ముఖ్యంగా ఓపెనర్‌ ఆమిర్‌ సోహేల్‌(55) ధాటిగా ఆడాడు. అతడు 15వ ఓవర్‌లో ఔటయ్యాక పాక్‌ క్రమంగా వికెట్లు కోల్పోయింది. సోహేల్‌ ఔటవ్వడంతోనే మ్యాచ్‌ మలుపు తిరిగింది. చివరికి ఆ జట్టు 9 వికెట్ల నష్టానికి 248 పరుగులు చేయడంతో 39 పరుగుల తేడాతో ఓటమిపాలైంది. 

 



Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు
    ఎక్కువ మంది చదివినవి (Most Read)
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.