Wimbledon: మహిళల సింగిల్స్‌ విజేత ఆష్లే బార్టీ

తాజా వార్తలు

Updated : 10/07/2021 21:27 IST

Wimbledon: మహిళల సింగిల్స్‌ విజేత ఆష్లే బార్టీ

(Photo: Wimbledon Twitter)

లండన్‌: వింబుల్డన్‌ 2021లో ఆస్ట్రేలియా ప్లేయర్‌ ఆష్లే బార్టీ మహిళల సింగిల్స్‌ విభాగంలో విజేతగా నిలిచి కొత్త చరిత్ర సృష్టించింది. తుదిపోరులో ఆమె చెక్‌ రిపబ్లిక్‌ ప్లేయర్‌ కరోలినా ప్లిస్కోవాపై 6-3, 6-7 (4/7), 6-3 తేడాతో విజయం సాధించి 41 ఏళ్ల తర్వాత ఈ విభాగంలో ఆస్ట్రేలియాకు టైటిల్‌ సాధించింది. ఈ క్రమంలోనే బార్టీ తన కెరీర్‌లో రెండో టైటిల్‌ను సొంతం చేసుకుంది. తొలిసెట్‌లో అలవోకగా గెలిచిన ఈ ఆస్ట్రేలియా ప్లేయర్ రెండో సెట్‌లో కాస్త తడబడిపోయింది. దాంతో ప్లిస్కోవా పైచేయి సాధించి మ్యాచ్‌ను ఉత్కంఠస్థితికి తీసుకెళ్లింది. ఈ నేపథ్యంలోనే మూడోసెట్‌ అనివార్యమవ్వగా ఈసారి బార్టీ ఆధిపత్యం చెలాయించింది. చివరికి తన కలను నిజం చేస్తూ టైటిల్‌ ఎగరేసుకుపోయింది. మరోవైపు కెరీర్‌లో తొలి గ్రాండ్‌స్లామ్‌ టైటిల్‌ను సాధించాలని కలగన్న ప్లిస్కోవాకు భంగపాటు తప్పలేదు. ఇక వింబుల్డన్‌ బాలుర విభాగంలో ఇండో-అమెరికన్‌ సమీర్‌ బెనర్జీ ఫైనల్‌కు దూసుకెళ్లాడు. అతడు సెమీస్‌లో గీమార్ట్ వేయన్‌బర్గ్‌పై విజయం సాధించాడు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని