పరిమిత ఓవర్ల క్రికెట్‌ ఆడాలని ఉంది: పుజారా

తాజా వార్తలు

Updated : 29/01/2021 10:28 IST

పరిమిత ఓవర్ల క్రికెట్‌ ఆడాలని ఉంది: పుజారా

ఇంటర్నెట్‌డెస్క్‌: టీమ్‌ఇండియా తరఫున పరిమిత ఓవర్ల క్రికెట్‌ ఆడాలనే ఆకాంక్ష బలంగా ఉందని టెస్టు స్పెషలిస్టు బ్యాట్స్‌మన్‌, నయావాల్‌ పుజారా అన్నాడు. తాజాగా ఓ జాతీయ మీడియాతో ఆస్ట్రేలియా పర్యటనపై  మాట్లాడుతూ ఈ వ్యాఖ్యలు చేశాడు. ఇటీవల ముగిసిన బోర్డర్‌-గావస్కర్‌ సిరీస్‌లో నయావాల్‌ ఎంత ముఖ్యమైన ఆటగాడో మరోసారి నిరూపించుకున్నాడు. ఈ సిరీస్‌కు తగిన ప్రాక్టీస్‌ లేకపోయినా పట్టుదలగా బ్యాటింగ్‌ చేసి జట్టు విజయంలో కీలక పాత్ర పోషించాడు.

‘నాకింకా టీమ్‌ఇండియా తరఫున పరిమిత ఓవర్ల క్రికెట్‌ ఆడాలనే కోరిక బలంగా ఉంది. అందులో ఎలాంటి సందేహం లేదు. కానీ, అదే సమయంలో ఇతర ఆటగాళ్లు ఆడుతుంటే నాకా అవకాశం రాదు. ఇక ఆస్ట్రేలియా పర్యటనకు ముందు లాక్‌డౌన్‌లో సరైన మ్యాచ్‌ ప్రాక్టీస్‌ లేదు. అందువల్లే ఈ టోర్నీకి సన్నద్ధమవ్వడానికి ఇబ్బందులు పడ్డాను. ఒకవేళ ఈ కరోనా వైరస్‌ లేకపోతే ఫస్ట్‌క్లాస్‌ క్రికెట్‌ మ్యాచ్‌‌లు ఆడేవాడిని. దాంతో మంచి ప్రాక్టీస్‌ లభించేది. ఈ సిరీస్‌కు ముందు ఒకే ఒక్క వార్మప్‌ మ్యాచ్‌ ఆడాను. తర్వాత మ్యాచ్‌లు ఆడేకొద్ది మునుపటి లయ అందుకోగలిగాను’ అని పుజారా వివరించాడు. 

కాగా, ఆసీస్‌తో టెస్టు సిరీస్‌లో పుజారా ఒక్కడికే సరైన ప్రాక్టీస్‌ లేదు. మిగతా ఆటగాళ్లంతా ఐపీఎల్‌ నుంచే కంగారూ గడ్డ మీద అడుగుపెట్టారు. గతేడాది న్యూజిలాండ్‌లో టెస్టు సిరీస్‌ పూర్తయ్యాక ఈ నయావాల్‌ ఇంటికి చేరుకున్నాడు. తర్వాత లాక్‌డౌన్‌ విధించడంతో దేశవాళీ క్రికెట్‌ కూడా జరగలేదు. ఈ నేపథ్యంలోనే అతడు నేరుగా బోర్డర్-గావాస్కర్‌ సిరీస్‌లో ఆడాడు. ఈ సందర్భంగా మూడు అర్ధశతకాలతో 271 పరుగులు చేసి టోర్నీలో టీమ్‌ఇండియా తరఫున రెండో అత్యధిక పరుగులు చేసిన బ్యాట్స్‌మన్‌గా నిలిచాడు. అంతకుముందు 2018-19 సిరీస్‌లో పుజారా 521 పరుగులతో అదరగొట్టిన సంగతి తెలిసిందే. 

ఇవీ చదవండి..
ఇక్కడివాడే.. కంగారూ గడ్డపై!
అరంగేట్రం ముందు రాత్రి నిద్రమాత్ర వేసుకున్న గిల్‌!


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని