Hussey: కరోనా నెగటివ్‌.. ఆస్ట్రేలియాకు పయనం
close

తాజా వార్తలు

Published : 16/05/2021 23:56 IST

Hussey: కరోనా నెగటివ్‌.. ఆస్ట్రేలియాకు పయనం

ఇంటర్నెట్‌డెస్క్‌: ఐపీఎల్ బయోబుడగలో కరోనా బారిన పడిన చెన్నై సూపర్‌ కింగ్స్‌ బ్యాటింగ్‌ కోచ్‌, ఆస్ట్రేలియా మాజీ ఆటగాడు మైఖేల్‌ హస్సీ ఆదివారం వేకువజామున స్వదేశానికి తిరిగి బయలుదేరాడు. అతడికి ఇటీవల నిర్వహించిన ఆర్టీ-పీసీఆర్‌ పరీక్షల్లో కరోనా నెగిటివ్‌గా వచ్చిందని, దాంతో ఈరోజు ఉదయం దోహా మీదుగా విమానంలో ఆస్ట్రేలియాకు పయనమయ్యాడని చెన్నై సీఈవో విశ్వనాథన్‌ పీటీఐ వార్తా సంస్థకు తెలిపారు.

ఐపీఎల్‌ 14వ సీజన్‌లో పలువురు ఆటగాళ్లు, సహాయక సిబ్బంది కరోనా వైరస్‌ బారిన పడిన సంగతి తెలిసిందే. దాంతో బీసీసీఐ, ఐపీఎల్ పాలక మండలి మే 4న ఈ టోర్నీని నిరవధికంగా వాయిదా వేశారు. అలా పాజిటివ్‌గా తేలిన వారిలో చెన్నై సూపర్‌ కింగ్స్ బ్యాటింగ్‌ కోచ్‌ హస్సీ, బౌలింగ్‌ కోచ్‌ లక్ష్మీపతి బాలాజీ సైతం ఉన్నారు. వీరిద్దరినీ జట్టు నుంచి వేరు చేసి దిల్లీ నుంచి ప్రత్యేక ఎయిర్‌ అంబులెన్స్‌లో చెన్నైకు తరలించారు. దాంతో అక్కడ వైద్యుల పర్యవేక్షణలో క్వారంటైన్‌లో ఉన్న వీరు తాజాగా కొవిడ్‌-19 నుంచి కోలుకున్నారు. ఈ క్రమంలోనే అతడు తిరిగి స్వదేశానికి బయలుదేరినట్లు సీఎస్కే సీఈవో వివరించారు. మరోవైపు ఐపీఎల్‌లో పాల్గొన్న ఇతర ఆస్ట్రేలియా క్రికెటర్లు, సహాయక సిబ్బంది ప్రస్తుతం మాల్దీవుల్లో ఉన్నారు. మే 15 వరకు ఆస్ట్రేలియా ప్రభుత్వం భారత్‌ నుంచి రాకపోకలను నిషేధించిన నేపథ్యంలో వారంతా అక్కడ క్వారంటైన్‌లో ఉన్నారు. ఇక తాజాగా ఆ గడువు ముగియడంతో భారత్‌-ఆస్ట్రేలియా దేశాల మధ్య అంతర్జాతీయ ప్రయాణాలు మొదలయ్యాయి.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని