రోహిత్‌తో పూర్తిగా ఏకీభవిస్తా: వాన్‌
close

తాజా వార్తలు

Published : 22/02/2021 09:11 IST
Facebook Share Twitter Share WhatsApp Share Telegram Share Link Share

రోహిత్‌తో పూర్తిగా ఏకీభవిస్తా: వాన్‌

ఇంటర్నెట్‌డెస్క్‌: చెన్నై పిచ్‌పై వచ్చిన విమర్శల నేపథ్యంలో టీమ్‌ఇండియా ఓపెనర్‌ రోహిత్‌ శర్మ గట్టి కౌంటర్‌ ఇవ్వడంతో ఇంగ్లాండ్‌ మాజీ సారథి మైఖేల్‌ వాన్‌ స్పందించాడు. రోహిత్‌ మాటలతో పూర్తిగా ఏకీభవిస్తానని చెప్పాడు. ఇంగ్లాండ్‌తో జరిగిన రెండో టెస్టులో పిచ్‌ అనూహ్యంగా ఉందని, ఆతిథ్య జట్టుకు అనుకూలంగా ఉందని వాన్‌తో సహా పలువురు మాజీలు తీవ్ర వ్యాఖ్యలు చేశారు. ఈ నేపథ్యంలోనే దానిపై పెద్ద చర్చ జరగడంతో టీమ్‌ఇండియా ఓపెనర్‌ ఆదివారం మీడియాతో మాట్లాడుతూ దీటుగా బదులిచ్చాడు. పిచ్‌ల గురించి కాకుండా ఆటగాళ్ల ప్రదర్శనపై మాట్లాడాలంటూ రోహిత్‌ సూచించాడు. రెండు జట్లకూ పిచ్‌ సమానమేనని, మెరుగ్గా ఆడిన వాళ్లు గెలుస్తారని స్పష్టంచేశాడు.

‘‘పిచ్‌ల గురించి ఎందుకింత చర్చ జరుగుతుందో అర్థం కావట్లేదు. చాలామంది ఏదేదో మాట్లాడుతున్నారు. సుదీర్ఘ కాలంగా భారత్‌లో పిచ్‌ల స్వభావం ఇలాగే ఉంది. అందులో మార్పు రావాలని అనుకోవట్లేదు. స్థానిక పరిస్థితుల్ని సద్వినియోగం చేసుకోవాలని ప్రతి జట్టూ కోరుకుంటుంది. విదేశాలకు వెళ్లినప్పుడు మా గురించి ఎవరూ ఆలోచించరు. అలాంటప్పుడు ఇతర జట్ల గురించి మేమెందుకు ఆలోచించాలి?సొంతగడ్డపై సానుకూలత అంటే అదే. లేదంటే పూర్తిగా మార్చేయండి. ఎక్కడైనా పిచ్‌లన్నీ ఒకేలా ఉండేలా ఐసీసీ నిబంధనల్ని రూపొందించాలి. మేం విదేశాలకు వెళ్లినప్పుడు ప్రజల వ్యవహార శైలి మమ్మల్ని ఇబ్బందులకు గురిచేస్తుంది. పిచ్‌ల గురించి అసలు చర్చే అవసరం లేదని నేను అనుకుంటా’’ అని రోహిత్‌ పేర్కొన్నాడు.

అలాగే ఆటగాళ్ల ప్రదర్శనలపై చర్చలు జరగాలని.. బ్యాటింగ్‌, బౌలింగ్‌ ఎలా చేస్తున్నారో చర్చించాలని హిట్‌మ్యాన్‌ సూచించాడు. రెండు జట్లూ ఒకే పిచ్‌పై ఆడతాయని, మెరుగ్గా ఆడిన జట్టే గెలుస్తుందని తెలిపాడు. టీమ్‌ఇండియా పిచ్‌ గురించి ఎప్పుడూ ఆలోచించదని, ఎక్కువ ఆలోచించినంత మాత్రాన పిచ్‌లేమీ మారవని అన్నాడు. మొతేరా పిచ్‌లో మార్పేమి కనిపించట్లేదని, రెండో టెస్టు మాదిరే ఉండొచ్చని అభిప్రాయపడ్డాడు. అందుకు తగ్గట్లుగానే సన్నద్ధమవుతున్నట్లు చెప్పాడు. ఇక్కడ అంతర్జాతీయ మ్యాచ్‌లు జరిగి చాలా రోజులైందని, పిచ్‌ ఎలా స్పందిస్తుందో చూడాలని రోహిత్‌ అన్నాడు. ఈ నేపథ్యంలోనే మైఖేల్‌ వాన్‌ తిరిగి స్పందిస్తూ రోహిత్‌ వ్యాఖ్యలను సమర్థించడం గమనార్హం. మరోవైపు చెన్నై పిచ్‌పై స్పందించిన ఇంగ్లాండ్‌ పేసర్‌ స్టువర్ట్‌ బ్రాడ్‌.. స్వదేశంలో ఆడే జట్టుకు అక్కడి పరిస్థితులను సద్వినియోగం చేసుకునే సానుకూలత, హక్కు ఉంటుందని చెప్పాడు. అందులో తప్పేం లేదని, ఇంగ్లాండ్‌ జట్టు కూడా అలా ఆలోచించట్లేదని స్పష్టం చేశాడు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని