బయో బుడగ సురక్షితం: జంపా
close

తాజా వార్తలు

Published : 30/04/2021 02:21 IST

బయో బుడగ సురక్షితం: జంపా

మెల్‌బోర్న్‌: ఐపీఎల్‌లో ఏర్పాటు చేసిన బయో బుడగ సురక్షితమేనని రాయల్‌ ఛాలెంజర్స్‌ బెంగళూరు ఆటగాడు ఆడమ్‌ జంపా (ఆస్ట్రేలియా) తెలిపాడు. ఐపీఎల్‌ను చివరి దశ వరకు చూస్తామని అభిప్రాయపడ్డాడు. ఐపీఎల్‌ నుంచి వైదొలిగిన జంపా, కేన్‌ రిచర్డ్‌సన్‌ (బెంగళూరు) గురువారం ఆస్ట్రేలియా చేరుకున్నారు. అంతకుముందు తామున్న బుడగ సురక్షితమేమీ కాదని.. గత ఏడాది మాదిరే ఈసారి కూడా ఐపీఎల్‌ను యూఏఈలో నిర్వహిస్తే బాగుంటుందన్న జంపా తన వ్యాఖ్యల్ని వెనక్కి తీసుకున్నాడు. ‘‘నేను, కేన్‌ క్షేమంగా.. సురక్షితంగా మెల్‌బోర్న్‌కు చేరుకున్నాం. ఐపీఎల్‌ బయో బబుల్‌ గురించి నా వ్యాఖ్యలకు.. వైరస్‌ ఏ దశలోనూ బుడగలోకి ప్రవేశిస్తుందన్న భావనతో సంబంధం లేదు. మేం సురక్షితంగా ఉండటానికి బీసీసీఐ, బెంగళూరు చాలా జాగ్రత్తలు తీసుకున్నాయి. గొప్ప వ్యక్తుల చేతుల్లో ఐపీఎల్‌ అత్యంత సురక్షితంగా ఉందని నమ్ముతున్నా. లీగ్‌ను ఫైనల్‌ మ్యాచ్‌ వరకు తప్పకుండా చూస్తాం’’ అని జంపా ఒక ప్రకటనలో తెలిపాడు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని