T20 World Cup: యువ ఆటగాళ్లు పాకిస్థాన్‌పై రాణిస్తే సులభంగా గుర్తింపు వస్తుంది : కపిల్ దేవ్‌

తాజా వార్తలు

Published : 20/10/2021 01:08 IST

T20 World Cup: యువ ఆటగాళ్లు పాకిస్థాన్‌పై రాణిస్తే సులభంగా గుర్తింపు వస్తుంది : కపిల్ దేవ్‌

ఇంటర్నెట్‌ డెస్క్‌: టీ20 ప్రపంచకప్‌లో భాగంగా అక్టోబరు 24న భారత్- పాకిస్థాన్‌ జట్లు తలపడనున్న విషయం తెలిసిందే. ఈ హై వోల్టేజీ మ్యాచ్‌లో బాగా రాణించిన యువ ఆటగాళ్లకు ప్రపంచవ్యాప్తంగా సులభంగా గుర్తింపు వస్తుందని.. దాంతో పాటు ఈ మ్యాచ్‌లో విఫలమైన సీనియర్లకు కూడా అదే స్థాయిలో విమర్శలు తప్పవని మాజీ క్రికెటర్‌ కపిల్ దేవ్ అన్నాడు.

‘ప్రపంచవ్యాప్తంగా చాలా మంది అభిమానులు ఈ మ్యాచ్‌ కోసం ఎదురుచూస్తున్నారు. ఒత్తిడికి గురయ్యే జట్టు ఓడిపోయే అవకాశాలు ఎక్కువగా ఉంటాయి. ఆటను ఆస్వాదిస్తూ ప్రశాంతంగా, స్వేచ్ఛగా ఆడే జట్టునే విజయం వరించే అవకాశం ఉంది. అలాగే, యువ ఆటగాళ్లకు ఇదో సువర్ణావకాశం. ఈ మ్యాచ్‌లో మెరుగ్గా రాణిస్తే ప్రపంచ వ్యాప్తంగా గుర్తింపు వస్తుంది. దాంతో పాటు ఈ మ్యాచ్‌లో అనుభవమున్న సీనియర్‌ ఆటగాళ్లు విఫలమైతే విమర్శలు కూడా అదే స్థాయిలో వస్తాయి’ అని కపిల్ దేవ్‌ పేర్కొన్నాడు. 

2007లో టీ20 ప్రపంచకప్‌ ఆరంభమైనప్పటి నుంచి ఇప్పటివరకు భారత్-పాక్‌ జట్లు 5సార్లు తలపడితే.. ఐదు సార్లు టీమిండియానే విజయం సాధించింది. వన్డే ప్రపంచకప్‌లో ఇరు జట్లు ఏడు సార్లు పోటీపడగా.. అన్నిసార్లు భారత జట్టే విజేతగా నిలిచింది. దీంతో ప్రపంచకప్‌లో పాకిస్థాన్‌పై భారత్ 12-0తో సంపూర్ణ ఆధిక్యంలో ఉంది. ఈ నేపథ్యంలో అక్టోబరు 24న మరోసారి ఇరు జట్ల మధ్య జరుగనున్న మ్యాచ్‌లో ఎవరు విజయం సాధిస్తారో చూడాలి.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని