WTC Final: రిజర్వ్‌డేకు చేరిన తుదిపోరు.. 
close

తాజా వార్తలు

Updated : 22/06/2021 23:47 IST

WTC Final: రిజర్వ్‌డేకు చేరిన తుదిపోరు.. 

రెండో ఇన్నింగ్స్‌ ఆడుతున్న టీమ్‌ఇండియా
న్యూజిలాండ్ తొలి ఇన్నింగ్స్‌ 249 ఆలౌట్‌..

ఇంటర్నెట్‌డెస్క్‌: భారత్‌, న్యూజిలాండ్‌ జట్ల మధ్య జరుగుతున్న ప్రపంచ టెస్టు ఛాంపియన్‌షిప్‌ ఫైనల్‌ మ్యాచ్‌ రిజర్వ్‌డేకు చేరింది. ఐదోరోజు ఆట నిలిచే సమయానికి భారత్‌ రెండో ఇన్నింగ్స్‌లో 64/2తో నిలిచింది. ఓపెనర్లు రోహిత్‌ శర్మ(30; 81 బంతుల్లో 2x4), శుభ్‌మన్‌గిల్‌(8; 33 బంతుల్లో) నిరాశపరిచారు. వీరిద్దర్నీ టిమ్‌సౌథీ వికెట్ల ముందు దొరకబుచ్చుకొని ఔట్‌ చేశాడు. దాంతో భారత్‌ 51 పరుగులకే రెండు కీలక వికెట్లు కోల్పోయి కష్టాల్లో పడింది. ఈ క్రమంలోనే జోడీ కట్టిన చెతేశ్వర్‌ పుజారా(12; 55 బంతుల్లో 2x4), కెప్టెన్‌ విరాట్‌ కోహ్లీ(8; 12 బంతుల్లో) చివరి వరకు క్రీజులో నిలిచారు. దాంతో టీమ్‌ఇండియా ప్రస్తుతం 32 పరుగుల ఆధిక్యంలో నిలిచింది. అంతకుముందు న్యూజిలాండ్‌ 101/2 ఓవర్‌నైట్ స్కోరుతో మంగళవారం ఐదోరోజు ఆట కొనసాగించగా తొలి ఇన్నింగ్స్‌లో 249 పరుగులకు ఆలౌటైంది. మహ్మద్‌ షమి 4/76, ఇషాంత్‌ శర్మ 3/48 కివీస్‌ బ్యాట్స్‌మెన్‌ను కట్టడి చేశారు.

తొలుత కేన్‌ విలియమ్సన్‌(49; 177 బంతుల్లో 6x4), రాస్‌టేలర్‌(11; 37 బంతుల్లో 2x4) గంటసేపు వికెట్లు కాపాడుకునే ప్రయత్నం చేసినా తర్వాత ఆ జట్టు వరుసగా వికెట్లు కోల్పోయింది. 117 పరుగుల వద్ద షమి.. టేలర్‌ను మూడో వికెట్‌గా పెవిలియన్‌ పంపి ఐదో రోజు వికెట్ల వేట ప్రారంభించాడు. ఆ తర్వాత భోజన విరామానికి ముందు వరుస ఓవర్లలో ఇషాంత్‌, షమి.. హెన్రీ నికోల్స్‌(7), జేబీ వాట్లింగ్‌(1)ను ఔట్‌ చేశారు. దాంతో ఒక్కసారిగా టీమ్‌ఇండియా పోటీలోకి వచ్చింది. అప్పటికి కివీస్‌ స్కోర్‌ 135/5గా నమోదైంది. ఇక రెండో సెషన్‌లో మరింత విజృంభించిన భారత బౌలర్లు మిగిలిన ఐదు వికెట్లు తీశారు. విలియమ్సన్‌ కాస్త పోరాడినా మిగతా బ్యాట్స్‌మెన్‌ పెవిలియన్‌కు క్యూ కట్టారు. అయితే, చివర్లో టెయిలెండర్లు కైల్‌ జేమీసన్‌(21; 16 బంతుల్లో 1x6), టిమ్‌ సౌథీ(30; 46 బంతుల్లో 1x4, 2x6) ధాటిగా ఆడి న్యూజిలాండ్‌ స్కోరును 249 పరుగులకు చేరవేశారు. ఈ క్రమంలోనే తొలి ఇన్నింగ్స్‌లో ఆ జట్టు 32 పరుగుల స్వల్ప ఆధిక్యం సంపాదించింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని