IND vs ENG:ఆ పరుగులు అదృష్టం వల్ల రాలేదు: శార్దూల్ ఠాకూర్‌

తాజా వార్తలు

Published : 17/09/2021 01:42 IST

IND vs ENG:ఆ పరుగులు అదృష్టం వల్ల రాలేదు: శార్దూల్ ఠాకూర్‌

(Photo: BCCI Twitter)

ఇంటర్నెట్ డెస్క్‌: ఇటీవల ఇంగ్లాండ్‌తో జరిగిన టెస్టు సిరీస్‌లో టీమ్‌ఇండియా ఆటగాడు శార్దూల్ ఠాకూర్‌ ఆల్‌రౌండ్‌ ప్రదర్శనతో అదరగొట్టాడు. నాలుగు టెస్టుల్లో మూడు అర్ధసెంచరీలు బాది అందరి దృష్టిని ఆకర్షించాడు. అయితే, ఈ మ్యాచ్‌ల్లో తాను చేసిన పరుగులు అదృష్టం వల్ల వచ్చినవి కాదని, ఒక పద్ధతిని అనుసరించి ఆడటం వల్ల అది సాధ్యమైందని శార్దూల్ ఠాకూర్ అన్నాడు.

‘నేను ఇప్పటివరకు చేసిన పరుగులు అదృష్టం వల్ల వచ్చాయని ఎవరైనా భావిస్తే.. వారికి శుభాకాంక్షలు!నేను బ్యాటింగ్ చేయగలనని నాకు తెలుసు. ఇది కేవలం ఆరంభం మాత్రమే.ఇప్పుడు నాపై నాకు మరింత నమ్మకం వచ్చింది. నెట్స్‌లో క్రమం తప్పకుండా బ్యాటింగ్ చేస్తాను. బ్యాటింగ్‌లో జట్టుకు ఉపయోగపడతానని యాజమాన్యానికి నమ్మకం ఉంది. ఏది ఏమైనా నేను ఇప్పటివరకు చేసిన పరుగులు యాదృచ్చికంగానో, అదృష్టంతో వచ్చినవి కావు. ఒక పద్ధతిని అనుసరించడం వల్ల అది సాధ్యమైంది. కొంతమంది మొదట ఎడమ కాలికి ప్యాడ్స్‌ ధరించడం, బస్సులో లేదా డ్రెస్సింగ్‌ రూమ్‌లో నిర్దిష్ట ప్రదేశంలోనే కూర్చోవడం వంటివి పాటిస్తారు. నేను వీటి కంటే ఆటపైనే ఎక్కువ నమ్మకం కలిగివుంటాను’ అని శార్దూల్ అన్నాడు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని