Covid 19: టీకా తొలి డోసు తీసుకున్న మహ్మద్‌ షమీ
close

తాజా వార్తలు

Published : 27/05/2021 23:43 IST

Covid 19: టీకా తొలి డోసు తీసుకున్న మహ్మద్‌ షమీ

(photo: Mohammed Shami Twitter)

ఇంటర్నెట్‌ డెస్క్‌: సుదీర్ఘ ఇంగ్లాండ్‌  పర్యటన కోసం టీమ్‌ఇండియా సిద్ధమవుతోంది. ఆటగాళ్లు ఇప్పటికే  ముంబయి అంతర్జాతీయ విమానాశ్రయం సమీపంలోని గ్రాండ్‌ హయత్‌ హోటల్‌లో క్వారంటైన్‌లో ఉన్నారు. క్రికెటర్లందరికీ మూడు సార్లు ఆర్టీపీసీఆర్‌ టెస్టులు నిర్వహించిన అనంతరం జూన్‌ 2న ఛార్టెడ్‌ విమానంలో ఇంగ్లాండ్‌ తీసుకెళ్తారు. అయితే, ఈ పర్యటన దృష్టిలో ఉంచుకుని చాలామంది ఆటగాళ్లు ఇప్పటికే కొవిడ్‌ 19 మొదటి డోసు టీకాను తీసుకున్నారు. 

ఈ పర్యటనకు ఎంపికై జట్టు సభ్యులతో కలిసి క్వారంటైన్‌లో ఉన్న టీమ్‌ఇండియా ఫాస్ట్‌బౌలర్‌ మహ్మద్‌ షమీ  కూడా గురువారం కొవిడ్-19 టీకా తొలి డోసును తీసుకున్నాడు. ఈ విషయాన్ని షమీ తన ట్విటర్‌ ఖాతా ద్వారా వెల్లడించాడు. ‘నా మొదటి డోసు టీకాను తీసుకున్నాను. ప్రతి ఒక్కరూ వ్యాక్సిన్‌ వేయించుకుని సురక్షితంగా ఉండాలని కోరుతున్నా’ అనే వ్యాఖ్యను జత చేస్తూ వ్యాక్సిన్ తీసుకుంటున్న ఫొటోను ట్విటర్‌లో పోస్టు చేశాడు షమీ.

టీమ్‌ఇండియా కెప్టెన్‌ విరాట్ కోహ్లి, అజింక్యా రహానే, ఛతేశ్వర్‌ పూజారా,ఉమేశ్‌ యాదవ్‌, ఇషాంత్ శర్మ, జస్ప్రీత్‌  బుమ్రా, రిషభ్ పంత్, రవీంద్ర జడేజా తొలి డోసు టీకాను తీసుకున్న సంగతి తెలిసిందే. కాగా,  సౌథాంప్టన్‌ వేదికగా జూన్‌ 18-22 మధ్య ప్రపంచ టెస్టు ఛాంపియన్‌ షిప్‌ ఫైనల్ జరగనుంది. ఈ పోరులో భారత్, న్యూజిలాండ్‌ జట్లు తలపడనున్న విషయం తెలిసిందే. అనంతరం ఇంగ్లాండ్‌తో టీమ్‌ఇండియా ఐదు టెస్టులు ఆడనుంది. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని